वैदेशिक रोजगार व्यवसायीद्वारा मेलेसियन राजदुताबास घेराउ
रोशन कार्की
काठमाडौं । मलेसिया सरकारले कामदारको स्वास्थ्य परीक्षण र भिसा सेवा शुल्क वृद्धि गरेको विरोधमा वैदेशिक बैदेशिक रोजगार ब्यवसायीहरुले नेपालस्थित मलेसियन दूतावास पुगेर रोजगार ब्यवसायीहरुले धर्ना दिँदै भिषा शुल्क घटाउन माग गरेका छन् । ललितपुरको पुल्चोकमा भएको प्रदर्शनमा ठुलो संख्यामा व्यवसायीको सहभागिता सो दुतावास घेराउ गरेका हुन् । मलेसिया सरकारले भिसा सेवा शुल्क सातसय रुपैयाँबाट बढाएर ३ हजार ९ सय पु¥याएको विरोध गर्दै नेपाली व्यवसायीहरुले प्रर्दशन गरेको हो   । भिसा प्रोसेशिङका लागि मलेसिया भिएनएल नेपाललाई नियुक्त गरेको छ । यो गरीब जनतालाई भार थोपर्ने कदम भएको ठहर वैदेशिक रोजगार व्यवसायी संघका अध्यक्ष बलबहादुर तामाङको रहेको छ । अध्यक्ष तमाङले भने,‘निजी संस्थालाई जिम्मेवारी दिइएका कारणले मात्र शुल्क बढेको हो ।’
नोभेम्बर १ देखि बढेको शुल्कबाट काठमाडौंस्थित मलेसियन दुतावासले ठुलो रकम कमाएको आरोप समेत उनको रहेको छ । साउनदेखि कात्तिकसम्म २५ हजार नौसय १२ नेपाली मलेसिया गएका छन् । तिनले सातसय सेवा शुल्क तिर्दा एक करोड ८१ लाख खर्च हुने गरेकोमा सेवा शुल्क वृद्धि गरेपछि यो रकम १० करोड १० लाख रुपैयाँ पुगेको अध्यक्ष तमाङले बताइ । एकैपटक ६ गुणा शुल्क बढाउनु न्यायसंगत नभएको उनीहरुको भनाई रहेको छ । हामी त्यसको विरोध गरीरहेका हौ उनले भने । यस्तै मलेसिया सरकारले बेस्टीनेटमा आवद्ध स्वास्थ्य संस्थाबाट मात्र मेडिकल परिक्षण गर्ने व्यवसथा गरेपछि शुल्क एकहजार पाँचसयबाट बढेर चारहजार एकसय २५ पुगेको छ । वैदेशिक रोजगार व्यवसायी संघले अन्तराष्ट्रिय आप्रवासन संगठनसँग पनि यसबारेमा छलफल गरेर अगाडि बढ्ने भएको छ  । हामी सरकार, अन्तराष्ट्रिय संघसंस्था र अन्य सरोकारवाला सँग छलफल गरेर दवाव कार्यक्रमलाई निरन्तरता दिने तयारीका साथ विरोध गरेका अध्यक्ष  तामाङले बताए ।

भिसा शुल्क घटाउन माग

यसअघि गल्फ कोपरेसन काउन्सीलले आफै मेडिकल सेन्टर नियुक्त गर्ने र शुल्क तोक्ने गरेको थियो । स्वास्थ्य व्यवसायीले त्यसको निकै बिरोध गरेपनि अझसम्म विवाद समाधान हुन सकेको छैन । अहिले कुल दर्ता भएका दुईसय पाँच स्वास्थ्य व्यवसायी मध्ये १२ वटाले मात्र खाडी जाने कामदारको स्वास्थ्य परिक्षण गर्दै आएका छन् । व्यवसायीहरुका अनुसार, मलेसिया सरकारले कामदारको भिसा प्रोसेसिङ र मेडिकल शुल्कमा पुर्नविचार नगरे कामदारले कुल ११ हजार दुईसय २५ रुपैया तिर्नु पर्ने हुन्छ । हाल कामदारले भिसा र मेडिकलका लागि करिव ६ हजार पाँचसय २५ रुपैयाँ तिर्दै आएका छन् । प्रर्दशनमा उलेख्यमात्रामा रोजगार व्यवसायीहरुको उपस्थीति थियो । नेपाली मान्छेको नाममा दर्ता भएको मलेसिया भिएलएन नेपाल प्रालि र मलेसियन राजदुताबासका कर्मचारीबीच मिलेमतो भएको हुनक्ने भएकाले नेपाल राष्ट्र बैंक र अन्य निकायहरुबाट छानविनको माग समेत गरेको अध्यक्ष तामाङले बताए ।
मर्यादा विपरित तामाङको नेतृत्वमा केही ब्यवसायीहरुले दूतावास घरिरहँदा मलेसिया कामदार पठाउने काम गरिरहेका अन्य ब्यवसायी भने त्यसको बिरोधमा देखिएका छन् । कुनै पनि देशले गरेको निर्णयविरुद्ध दूतावास घेर्न जानु कुटनीतिक मर्यादा विपरित रहेको समेत केही व्यवसायीहरुले बताएका छन् । मलेसियाका रोजगारदाता भडकिने र रोजगारी नै गुम्ने खतरामा पुग्ने अनुमान समेत व्यवसायीहरुको रहेको छ । नेपाली कामदारले कार्यक्षेत्रमा आन्दोलन गरिदिँदा अहिले नै छवि बिग्रिइसकेको भन्दै म्यानपावर ब्यवसायी नै दूतावास घेर्न पुग्नुले स्थीतिलाई भड्काउने दावी गरेका छन् । नेपालमात्र नभएर एकैपटक १६ वटा मुलुकमा भिसा शुल्क बढाउने मलेसियाली सरकारले निर्णय गरेकाले त्यसको बिरोध गर्नु औचित्यहीन भएको उनीहरुको तर्क छ । तर, बैदेशिक रोजगार ब्यवसायी संघका अध्यक्ष तामाङले भने निजी क्षेत्रलाई नदिने हो भिसा शुल्क नबढने दावी गरेका छन् । हालै मलेसिया सरकारले भिसा कोड नम्बर र पासवर्डसमेत दिने र म्यानपावर ब्यवसायीले आफ्नो भिसा प्रोसेसिङबारे थाहा पाउनेगरि नयाँ सफ्टवेयर प्रयोगमा ल्याउने निर्णय गरेको छ । फोस्वाँ नामक नयाँ कम्पनीले सो जिम्मा पाएपछि भिएलएन नामक कम्पनीले त्यसको बिरोध गरिरहेको छ ।