सरकारद्वारा चार क्यासिनो खारेज/ कार्यकारी प्रमुखद्वारा सर्वोच्चमा रिट

सरकारद्वारा चार क्यासिनो खारेज/ कार्यकारी प्रमुखद्वारा सर्वोच्चमा रिट
काठमाडौ, अषाढ १९ 

सरकारले राजश्व नतिर्ने क्यासिना संचालक नेपाल रिक्रिएशन सेन्टरको दर्ता खारेज गरेको छ । पर्यटन तथा नागरिक उडययन मन्त्रालयले सेन्टरले संचालन गर्दै आएको चार क्यासिनोको अनुमतिपत्र पनि खारेज गरेको छ । खारेजीमा परेका क्यासिनोहरुमा होटल  सोल्टीमा रहेको क्यासिनो नेपाल, होटल अन्नपुर्णमा रहेको क्यासिनो अन्ना, एभरेष्टमा रहेको क्यासिनो एभरेष्ट र हृयात होटल स्थित रहेको क्यासिनो तारा रहेका छन् । दुईसाता अघि पर्यटन मन्त्रालयले सार्वजनिक सूचना जारी गरी रिक्रिएशन सेन्टरको रिक्रिएशनको नाममा रहेको बक्यौता राजश्व बुझाउन एक हप्ताको समयावधि तोकेको थियो । तोकीएको समयमा तिर्नु पर्ने कर नतिरेपछि रिक्रिएशनको नाममा रहेको लाइसेन्स स्वत खारेज भएको पर्यटन तथा नगरिक उडययन मन्त्रालयका सहसचिव राजनकृष्ण अर्यालले बताए । राजश्व अनुसन्धान विभागले समेत रिक्रिएशनको नाममा रहेको जग्गा लिलामीका लागि सार्वजनिक सूचना जारी गरिसकेको छ । रिक्रिएशन अन्तर्गतका विभिन्न चार क्यासिनोले करीब ३४ करोड राजश्व तिर्न बाँकी छ । सेन्टरले २०६१ साल देखि राजश्व तिरेको छैन । सहसचिव अर्यालले खारेज गर्ने निर्णय भइसकेकाले गृहमन्त्रालयले अनुगमन गर्ने बताए । सेन्टरका कार्यकारी प्रमुख राजेश्वर बाधवाले भने पर्याटन मन्त्रालयको विरुद्ध सर्वोच्चमा रिट दायर गरेका छन् ।