भन्सार विभागले सवै प्रमुख भन्सार प्रमुख अधिकारीलाई काठमाडौं बोलाइयो 

काठमाडौं ६ साउन
भन्सार विभागले मुलुकका सवै भन्सार कार्यलयका प्रमुख भन्सार अधिकारीलाई काठमाडौं बोलाएको छ । सरकारले जारी गरेको चालु आर्थिक वर्ष २०६८÷०६९ को बजेटमा उल्लेख भए अनुसारको राजस्व संकलन गरि छाड्नका लागि र आर्थिक विधेयकमा रहेका सवै कार्यलाई कसरी कार्यान्वयन गर्न गराउन सकिन्छ भन्न्ो विषयमा छलफल गर्न विभागले सवै भन्सार प्रमुखलाई काठमाडौं बोलाएको विभागले जनाएइको छ ।
सरकारले जारी गरेको आर्थिक विधेयकमा अर्थ सम्बन्धि प्रस्तावलाई कार्यान्वयन गर्नकालागि विभागले सवै भन्सार प्रमुखलाई साउन १९ र २० गते काठमाडौंमा भेला हुन निर्देशन दिएको विभागले जनाएको छ । सो भेलाबाट चालु आर्थिक वर्षकालागि भन्सारका आर्थिक ऐजेन्डाभन्सार शुल्कमहशुलकरपोतशुल्क र दस्तुर लगाउने हेरफेर गर्ने र प्रचलित राजस्व कानुनलाई संशोधन गर्नकालागि उनीहरुलाई काठमाडौमा बोलाएको विभागले जनाएको छ ।
सोहि झेलबाट सवै विषयमा गहन छलफल गरि सरकारबाट राखेको आर्थिक अर्थ सम्बन्धि प्रस्तावलाई पूर्णरुपमा कार्यान्वयन गर्न सवै भन्सार प्रमुखलाई निर्देशन र अधिकार सम्पन्न बनाएर कार्यक्षेत्र पठाउने तयारीमा भन्सार विभाग लागि परेको जनाईएको छ ।
सो भेलामा कर दस्तुरको दर वढाउन घटाउन वा आंशिक वा पुरै छुट दिने व्यवस्थाको अलावा भन्सार महसुल कृषि सुधार शुल्क स्वास्थ्य सेवा कर शिक्षा सेवा शुल्क चलचित्र विकास शुल्क प्रदुषण नियन्त्रण शुल्क सवारी साधन कर सडक निर्माण तथा सम्भार दस्तुररजिष्ट्रेशन दस्तुर लगायतका शुल्कका बारेमा पनि छलफल हुने भएको छ । त्यस्तै विभागले आफु मातहतका सवै भन्सार कार्यलयमा दस्तुर कर सम्वन्धी व्यवस्थाहरु निर्धारण गर्नको अलावा आयकर ऐन २०५८अन्तःशुल्क ऐन २०५८ मूल्य अभिवृद्धि कर ऐन २०५२भन्सार ऐन २०६४ राजस्व चुहावट अनुसन्धान तथा नियन्त्रण ऐन २०५२ र मदिरा ऐन २०३१ मा रहेको ऐनलाई संशोधन गरेका कारण सोही अनुसार कारोबार गर्न निर्देशन दिएको छ । संशोधित ऐन अनुसार भारतमा उत्पादित मालवस्तु भारतबाटै नेपालभित्र पैठारी हुँदा मूल्यगतदर परिमाणगतदर बाहेक अनुसार लाग्ने भन्सार महसुलमा तीस प्रतिशत सम्मको दरमा सात प्रतिशत र सोभन्दा बढीका दरहरुमा पाँच प्रतिशत कर छुटदिइने व्यवस्था कायम गरेको छ । त्यस्तै चीनमा उत्पादित मालवस्तु चीनको स्वशासित क्षेत्र तिब्वतबाट नेपालभित्र प्रतीतपत्रको माध्यमबाट पैठारी हुँदा मूल्यगत दर परिमाणगत दर बाहेक अनुसार लाग्ने भन्सार महसुल दरमा चार प्रतिशत छुट दिइने छ ।
तेस्रो मुलुकमा निकासी हुने मालवस्तु कुनै निकासीकर्ताले त्रिभुवन विमानस्थल भन्सार कार्यालयमा जाँचपास गराई बन्द कन्टेनरमा भन्सारको सिलछाप लगाई स्थल मार्गस्थित भन्सार कार्यालयबाट निकासी गर्न चाहेमा भन्सार विभागले प्रकि्रया हेरी करको दायरा तोकी सुविधा प्रदान गर्नेे छ ।
चीनको स्वशासित क्षेत्र तिब्वतबाट त्रेुडिट सुविधा अन्तर्गत मालवस्तु पैठारी गर्दा राखेको धरौटी रकम फिर्ता पाउनको लागि सो मालवस्तु पैठारी गरेको मितिले तीन महिनाभित्र बैङ्किङ प्रणालीबाट भुक्तानी पठाएको प्रमाण पेश गरी धरौटी फिर्ता लिइसक्नु पर्ने व्यवस्था कायम गरेको छ । मालवस्तु पैठारी भएको मितिले तीन महिनाभित्र फिर्ता नभएको धरौटी रकम सदरस्याहा गरिनेछ र त्यसमा पैठारीकर्ताकोतर्फबाट कुनै दाबी÷विरोध गर्न र गराउन नपाउने व्यवस्था कायम गरेको विभागले जनाएको छ ।