एक

रक्तचन्दन व्यापारी र स~चारकर्मीबीच सहमती 

२ लाख ५० हजारमा समाचार नलेख्ने सर्त 

काठमाडौं । राष्ट्रको चौथो अंगको रुपमा रहेका साचारकर्मीले समाजमा भएका गलत प्रकृयाको विरोध र सार्वजनीक गर्नु पर्ने भन्न्ो आम पाठकलाई लाग्नु स्वभाविक हो । रातोदिन अबैध सामानको कारोबार आफ्नै अगाडी भई रहेको समाचार भोली पल्टको अखबारमा पढ्न र हेर्न नपाउँदा भने आम पाठकहरु निराशबन्नु परेका छन् । दिनभरी समाचारको संकलन गरेर सदरमुकाम र काठमाडौं फर्किएका पत्रकारहरुले सहि समाचार नआएपछि भने ुपत्रकारको भेषमा ठगी धन्धाु गर्ने उपनाम दिएकाछन् सिन्धुपाल्चोकका स्थानीय बासिन्दाहरुले । घटना केही हप्ता अगाडीको हो । रक्तचन्दन व्यापारीले आफ्नो अबैध सामान सिमापारी कटाउनकालागि पछिल्लो समयमा स्थानीय पत्रकारलाई हातमा लिएको स्थानीय बासिन्दाले गोप्यरुपमा यो सुचना हामीलाई दिएकाछन् । सिन्धुपाल्चोकमा रहेका राष्ट्रिय दैनिक र राष्ट्रिय टेलिभिजनमा कार्यरत जिल्ला समाचारदाताहरु बन्दोबस्तीका सामान सहित अरनीको राजमार्ग स्थीत विलासिता होटलमा बास बस्ने गरेको स्रोत ले जनाएको छ । काठमाडौंबाट अबैध सामान अरनीको राजमार्ग हुदै चीनको खासा बजारतर्फ लैजाने समय र दिन उनीहरुलाई पूर्व जानकारी गराउने गरेको समेत स्रोत ले जानकारी दिएको छ । प्रायःजसो विदाको अधिल्लो रात सो मार्ग हुदै अबैधसामानको कारोबार हुने गरेको छ । व्यापारीले सिन्धुपाल्चोकका साचारकर्मीसंग पहिलो चरणमा स्थानीय गतिविधि बारे जानकारी लिने गरेको र सोही अनुसार सुरक्षा निकाय र भन्सार कर्मचारीसंगको साठँगाँठ मिलाई सामान आरामसाथ निर्यात गर्ने गरेका छन् । एक पटकमा १० टनभन्दा बढी रक्तचन्दन बोकेर मालबहाक कन्टेनर भ्यान राजधानीको विभिन्न स्थानबाट पहिलो चरणमा काभ्रे जिल्लाको पनौती तर्फ जाने गरेको छ । केही समय पनौतीको विभिन्न स्थानमा गोप्य गोदामगरि रातको समयमा ती सामानाहरु चीनको खासातर्फ सादा पोशाकमा रहेका सुरक्षाकर्मीको स्कटिङको माध्यामबाट विना अबरोध सामान पारी लैजाने गरेको समेत एक सहभागी सदस्यले नाम नलेख्ने सर्तमा बताए । 

उनका अनुसार यस वियषमा पछिल्लो समय नेपाल पत्रकार महासंघ जिल्ला शाखाका पूर्व निर्वमान अध्यक्षको रोहवरमा २ लाख ५० हजार रुपैयाँ लिने सर्तमा जिल्लाबाट कुनै पनि व्यापारीक कारोबारबारे समाचार नलेख्ने सहमती भएको समेत बताए । विभिन्न चरणमा भएको भेटमा महासंघका निर्वमान अध्यक्ष एंव सिन्धुपाल्चोक उद्योग वाणिज्य संघको प्रेस सल्लाहाकारको विशेष पहलमा सो रकम दिने सहमती भएको जनाएको छ । प्राप्त जानकारी अनुसार उद्योग वाणिज्य संघका जिल्ला अध्यक्ष राजेन्द्रकुमार श्रेष्ठ र संघकै प्रेससल्लाहाकारको संयोजकत्वमा सिन्धुपाल्चोक जिल्लाको बाह्विसे स्थीत चण्डेश्वर रेष्टुरेन्टमा पटक÷पटक व्यवसायीबीच बार्ता भएको थियो । रक्तचन्दन र खासाबाट नेपाल आयात गरेको अबैध सामानको कारोबारका बारेमा मौन रहन व्यवसायीहरुले प्रस्ताब राखेको थियो । सो पहलमा महासंघको तर्फबाट रहेका कान्तिपुर दैनिकका जिल्ला समाचारदाता ऋषिराम पौड्याल पत्रकार महासंघका अध्यक्ष पवित्रकुमार खड्का लगायत अन्य साचारकर्मीको सहभागीतामा गोप्य रुपमा अबैध कारोबार गर्न अनुरोध गर्दै सकेसम्म हामी कसैले पनि सो बारे कुनै समाचार नलेख्ने सर्तमा व्यवसायीले २ लाख ५० हजार रुपैयाँ दिएको स्रोतको दाबी रहेको छ । 

यसैगरि नेपाल पत्रकार महासंघका जिल्ला शाखा सिन्धुपाल्चोकका पूर्वअध्यक्ष ऋषिराम पौड्याले तातोपानी भन्सार कार्यलयमा ६ जना ज्ािल्ला साचारकर्मीको नाममा मासिक रकम दिन दवाव दिएको भन्सार स्रोतले जनाएको छ । भन्सारका एक कर्मचारीले दिएको जानकारी अनुसार कान्तिपुर दैनिकका समाचारदाता पौड्याल र महासंघका अध्यक्ष एवं एभीन्यूज टेलिभिजनका जिल्ला संवाददाता पवित्रकुमार खड्काले मासिक १० हजार रुपैयाँ दिन दवाव दिएको तर सो रकम घटाई ५ हजारमा कुरा मिलाएको जनाए । यस सम्बन्धमा पटक-पटक तातोपानी भन्सार कार्यलयका प्रमुख भन्सार अधिकारी निर्मलहरि अधिकारीसंग सम्र्पक राख्न खोज्दा सम्र्पकमा आउन चाहानु भएन । 

यसैक्रममा अरनीको राजमार्गहुदै अबैधरुपमा नेपाल भित्राएको मोबाईल सेटसहित गाडी सशस्त्र प्रहरी बल ला लामोसाँधुले नियन्त्रणमा ल्ािएको छ । भने ७ टन रक्तचन्दन सो राजमार्ग हुदै सिमाना पारी लगेका छन् । सशस्त्र प्रहरीले नियन्त्रणमा लिएको ५ सय ७० थान मोबाइल सहित गाडी नियन्त्रणमा लिएपछि आफ्नो सामान र गाडी समायको निहुँमा व्यापारी निमफुाजो शेर्पाले लामोसंाधुका सशस्त्र एसपी राजुराम।सुवालको सरुवा गर्न कम्वर कसेर लागी परेकाछन् । यस विषयमा पनि व्यापारी शेर्पालाई सम्र्पक राख्दा उनको मोबाइल बन्द गरेका थिए । 

                                 दुई

भन्सार गेट प्रयोग गरि अबैध सामानको कारोबारमा तीब्रता 

पाँच प्रतिशत यसै गेटबाट निकासी भएको छ –प्रमुख भन्सार अधिकारी 

रोशन कार्की

काठमाडौं । भन्सार कर्मचारी र प्रहरी प्रशासनको मिलेमतोमा लामो समयदेखि हुदै आएको अबैध सामानको आयात÷निर्यात भन्सार गेटबाटै व्यापारीहरुले गर्ने गरेको तातोपानी भन्सार कार्यलयले जनाएको छ । कर्मचारी र व्यापारिको प्रत्येक्ष संलग्नतामा हुदै आएको भन्सार राजस्व चुहावटमा भन्सार अधिकारीको ठाडो निर्देशनबाटै ठूला व्यापारीले सो नाका प्रयोग गर्दै आएको त्ाथ्य सार्वजनीक भएको छ । 

सरकारले लक्षित राजस्व संकलन गर्नलाई कडा निर्देशन जारी गरेको भएपनि तातोपानी भन्सार कार्यलयबाट भने सो कार्यलाइृ्र वेवस्था गर्दै भन्सार नाकाबाटै अबैध सामानको निकासी हुने गरेको भन्सार कार्मचारीले बताएका छन् । 

यस नाकाबाट हुने अबैध सामानको आयात्÷निर्यात कार्यलाइृ्र नियन्त्रण गर्न खोजीएता पनि यस नाकाबाट ९५ प्रतिशत मात्र नियन्त्रण गर्न सकियो ५ प्रतिशत भने नियन्त्रण गर्न नसकिएको तातोपानी भन्सार कार्यलयका प्रमुख भन्सार अधिकारी निर्मंलहरि अधिकारीले बताए । उनका भनेुयसै नाका प्रयोग गरि व्यापारिहरुले अबैध सामान आयात÷निर्यातको गरेको भन्ने सुनिन्छ तर कति खेर जान्छ त्यो मलाई पनि थाहा भएन ।ु यस नाकाबाट अहिले पनि ५ प्रतिशत अबैध सामान चीनको खासा बजार तर्फ जाने गरेको उनले स्वीकार गरेका छन् । 

उनले अगाडी थपेुम सय प्रतिशत ठिक भएको छ भन्दीन किनकी कर्मचारीको मिलेमतोमा यस नाका प्रयोग गरि रक्तचन्दन खासा निर्यात भयो होला तर बाहिर भएको हल्ला जति चाँही होईन यस नाकाबाटै ५ प्रतिशत अबैध चन्दन गएको म स्वीकार्न सक्छु ।ु

ुभन्सार नाका प्रयोगगरि ठुला लगानी गर्ने व्यापारिहरुको सामान हुने गरेका कारण माथीको आदेशभन्दै हामीलाई सामान्य चेकजाँच गर्न निर्देशन दिईन्छ यसो हेरेर कागजी प्रकृया पुरा गरि गाडी छाडिदिन्छौु सो भन्सारका एक कर्मचारीले नाम नेलेख्ने सर्तमा बताए । उनले भनेुतपाईहरुले मेरो नाम सार्वजनीक गरिदिनु भयो भने मेरो ता बर्वाद हुन्छ त्यस्ौलै नाम नलेखिदिनु भन्दै उनले अगाडी थपेुहामीलाई ६ जना भन्सार अधिकृतहरुले पालैपालो निर्देशन दिएर गाडी छोड्न आदेश दिनुहुन्छसोही अनुसार कागजी प्रकृया पुर् याई गाडी छोडने गरेका छौ सोही गाडीमा रक्तचन्दन सुनाखरी विभिन्न जनवारको छाला र अमेरिकी डलर खासा तर्फ निर्यात हुने गरेको छ ।ु

यसरी काठमाडौंको न्यूरोडमा बसी तातोपानी भन्सार कार्यलयका भन्सार अधिकृतसंग फोनमा सवै जानकारी दिएर काठमाडौंबाट खासातर्फ अबैध सामान पठाउने गरेका छन् । भन्सार कार्यलयमा रहेका भन्सार अधिकृत गोविन्द पौडेलइन्द्रबहादुर अधिकारीसुशिलप्रसाद शर्मागोपालप्रसाद भट्टराई र हरिप्रसाद भण्डारीसंग पालैपालो अबैधर सामानका बारेमा फोनमा कुरा हुने गरेको समेत ति कर्मचारीले बताए । 

भन्सार विभागले सवै नाकामा जनताको विस्वास गुम्दै गएको र लक्षित राजस्व संकलन नभएको भन्दै २३ ठुला भन्सार कार्यलयमा बृत्तह सुचना प्रणाली जडान गरेपनि सो प्रणालीलाई पूणरुपमा कार्यन्वयनमा नल्याएका कारण तातोपान्ाी विरगाज भन्सार कार्यलय बढीमात्रामा विवादीत बन्दै आएको छ । 

भन्सार कार्यलयले अप्टिकल फाईबरमा समस्या र बत्ति आउने÷जाने गरेको कारण देखाउदै भन्सार कार्यलयमा जडिड सो प्रणालीको सरवर डाउन गर्ने गरेको समेत कर्मचारीले जनाएकाछन् । 

तीन

२ सय टन रक्तचन्दन काठमाडौंको गोदाममा 

भदौ १४ भित्र खासा निर्यात गरिसक्ने योजना 

रोशन कार्की

काठमाडौं । भारतको कर्णटक प्रदेशबाट नेपाल भित्राएको २ सय टन रक्तचन्दन काठमाडौ र काभे्रको पनौतीमा गोदाम गरि राखेको सुरक्षाकर्मीले जनाएकाछन् । तीन वर्षदेखि मौलाएको सो अबैध कारोबार केही समय रोकीएको थियो । भारतबाट नेपाली व्यापारिले ुरेड उडुको नाममा भन्सार प्रज्ञापन-पत्र काटी नेपाल भित्राएको सो रक्तचन्दलाई काठमाडौंको जोरपाटीमुलपानी र काभ्रे जिल्लाको पनौतीमा गोदामगरि राखेको सुचना प्राप्त भएको तातोपानी भन्सार कार्यलयका प्रमुृख भन्सार अधिकारी निर्मलहरि अधिकारीले बताएकाछन् । उनका अनुसार विभिन्न नाममा भारतको बाटो हुदै नेपाल भित्रने सो रक्तचन्दन र अन्य सामानको कारोबारमा ठूला व्यवसायीदेखि राजनीतिक दलका जिल्ला नेताहरुको समेत सलग्नता रहने गरेको जानकारी दिएकाछन् । 

अधिकारीले भनेुतराईका मुख्य भन्सार कार्यलयबाट विना रोकतोक नेपाल भित्रिएको सो सामान किन काठमाडौबाट खासातर्फ आएपछि मात्र हल्ला हुन्छ त्यो बुझ्न सकिएन ।ु यसरी दैनिक सरकारी कर्मचारीलाई चन्दनको गोदाम गरेको स्थान र खासा लैजाने समय समेत जानकारी व्यापारीले गराउदा समेत किन अबैध्ा सामानलाई नियन्त्रणमा लिइदैन । प्रायः तातोपानी भन्सार कार्यलयका प्रमुख भन्सार अधिकारी रक्तचन्दन निकासी गर्ने समय केहीन केही काम बनाएर काठमाडौ आउने गरेको सोही भन्सार कार्यलयका एक कर्मचारीले बताएका छन् । उनका अनुसार रक्तचन्दनका व्यापारिले भक्तपुरदेखि तातोपानी भन्सार कार्यलयसम्मको प्रशासन र सुरक्षाकर्मीलाई गोप्य जानकरी गराई चन्दन प्रायः आईतबार र मंगलबार र शुक्रबार बढीमात्रामा सो कारोबार हुने गरेको छ । अबैध कारोबारमा संलग्न व्यवसायीहरुले प्रमुख भन्सार अधिकारीलाई आफ्नो लाईनको कर्मचारी भन्सार नाकामा खटाई आफु अफिसको काम या आफ्नो घरायशी काम देखाएर काठमाडौं आउने गरेको समेत ती कर्मचारीले बताए । 

यसरी लाईन मिलाई व्यवसायीहरुले आफ्नो कारोबार चलाई रहदा समेत इलाका प्रहरी कार्यलय बाह्विसेका प्रहरी निरिक्षक कमल पण्डित यस कारोबारमा संलग्न भएको समेत एक प्रहरीले बताए । ुहामीलाई नाम व्यवसायीहरुको नाम नै दिएर डिउटीमा खटाईन्छ हामीले सोही अनुसार सवारी साधान चेकजाँच गरेर छोड्ने गरेका छौु एक प्रहरीले नाम नलेख्ने सर्तमा बताए । पछिल्लो चरणमा नेपाल उद्योग वाणिज्य महासंघका केन्द्रीय सदस्य विष्णु खत्रीनेपाल उद्योग बाणिज्य संघ सिन्धुपाल्चोकका अध्यक्ष राजेन्द्र श्रेष्ठ यस कार्यमा बढी संलग्न रहेको समेत बताए ।