आवश्यकभन्दा बढी कर्मचारीले भन्सारको काममा          अवरोध 

            छिट्टै समायोजन हुनुपर्ने माग
 रोशन कार्की÷राजधानी 
काठमाडौं २१ साउन 

भन्सार विभागअन्तर्गत कार्यरत अधिकांश कर्मचारी सम्बन्धित क्षेत्रसँग जानकार नभएको र आवश्यकभन्दा बढी भएकाले विभागमा प्रशासनिक समस्या परेको छ । पछिल्लो समय विभिन्न क्षेत्रबाट विभागमा आउने कर्मचारीमा भन्सारका संवेदनशील कार्यको ज्ञान नभएकाले उनीहरुबाट काम लिन अप्ठुरो भएको विभागले जनाएको छ । हाल कार्यरत कर्मचारीमा शैक्षिक योग्यता भए पनि उनीहरुले भन्सार ऐन नियमअनुरुप तत्काल गरिनुपर्ने निर्णय गर्न नसक्दा अर्बौं रुपैयाँ राजस्व घाटा भइरहेको विभागले जनाएको छ । विभागका महानिर्देश टंकमणि शर्माले अहिले विभागमा २ सयजना कर्मचारी आवश्यक भन्दा बढी भएकाले अनावश्यक भार थपिएको बताए । ती कर्मचारीलाई कहाँ कसरी समायोजन गर्ने भन्ने चिन्ता परेको बताउँदै महानिर्देशक शर्माले भने जो जहाँ जुन विषयमा सक्षम छन् उनीहरुलाई त्यही काम गर्ने वातावरण बनाउन सरकारसँग माग गरेका छौ .विभागमा रहेका २ सय कर्मचारीलाई सरकारले तत्काल काममा लगाउनसमेत विभागले अर्थमन्त्री भरतमोहन अधिकारीसँग माग गरेको उनले जानकारी गराए । विभागमा कार्यरत २ सय कर्मचारीलाई हाल वैकल्पिकमा राखेको जानकारी गराउँदै महानिर्देशक शर्माले विभागमा रहेका अधिकांश कर्मचारीमा भन्सार सम्बन्धित ज्ञान नभएकाले काम गर्न कठिनाइ भएको र त्यस्ता कर्मचारीलाई तत्काल तालिमको व्यवस्था गर्न माग गरेको बताए । विभागले यसरी आफ्नो मातहतमा बढी कर्मचारी भएको भन्दै कर्मचारीको भार घटाउन अर्थमन्त्री र अर्थ सचिवसँग माग गरेको यो पहिलो भएको विभागले जनाएको छ । विभागका महानिर्देशक शर्माले भने ुराष्ट्रलाई आफ्नोतर्फबाट सेवा गर्छु भनेर आएका जोशिला कर्मचारीलाई महिनां दिनसम्म कमविहीन बनाएर वैकल्पिकमा राख्नु भनेको देशका लागि ठूलो घाटा भएकाले सो जनशक्तिलाई अन्य कार्यालयमा लगेर कि्रयाशील बनाउन हामीले माग गरेका हौं ।यस सम्बन्धमा अर्थमन्त्री भरतमोहन अधिकारीले विभागले उठाएको विषयमा मन्त्रालय गम्भीर भएको र सोबारे छिट्टै अध्ययन गरेर निर्णय गर्ने बताए । मन्त्री अधिकारीले भने ुकुनै जनशक्तिलाइै वैकल्पिकमा राखिनु दुर्भाग्य हो यस विषयमा को कहाँ कुन क्षेत्रमा बढी जानकार छ सो कार्यालयमा समायोजन गर्नेछौं यस सम्बन्धमा सम्बन्धित निकाय लागि पर्नेछ ।भन्सार संरचनाअन्तर्गत हाल १ हजार २ सय ७३ कर्मचारी कार्यरत छन् । त्यसमा नयाँ कर्मचारी १ सय रहेका छन् । नयाँ÷पुराना गरेर २ सय कर्मचारी वैकल्पिकका रुपमा विभागमा राखिएको छ । हालसम्म ३० ओटा मुख्य भन्सार कार्यालय १ सय ४३ ओटा छोटी भन्सार कार्यालय र १ ओटा हवाई भन्सार कार्यालय साचालनमा रहेको विभागले जनाएको छ । त्यस्तै उत्तरी सीमातर्फ ९ ओटा मुख्य भन्सार नाका दक्षिण सीमातर्फ २१ ओटा भन्सार कार्यालयहरु साचालनमा छन् ।