कर ठगिगर्नेलाई कारबाही भएन
रिभस्र- नक्कली प्रज्ञापनपत्रको कारोवार

रोशन कार्की÷राजधानी
काठमाडौं, २९ साउन
कर्मचारी र व्यवसायीको मिलेमतोमा गत फागुन महिनामा नक्कली निकासी प्रज्ञापन पत्र बनाई सरकारी कर फिर्ता लिन सफल ७ जना भन्सार कर्मचारीलाई सरकारले कारबाही गर्न सकेको छैन । व्यापारीले रसुवा र तातोपानी भन्सार कार्यालयबाट नक्कली निकासी सामानको कागजत बनाई सो समयमा ७ करोड भन्दाबढी रकम झिक्न सफल भएका थिए ।
रकम झिक्नकालागि उनीहरुले आबश्यक कागजात तयार बनाउन तातोपानी भन्सार कार्यालयका ७ जना कर्मचारी प्रत्यक्ष रुपमा संलग्न भएको पुष्टी भन्सार विभागले यसअघि नै गरिसकेको भएपनि हालसम्म उनीहरुमाथी कारबाही भने हुन नसकेको हो । करिव एक वर्ष अगाडी तातोपानी भन्सार कार्यालय र रसुवा भन्सार कार्यालयबाट पटक-पटक सामान नै निकासी नगरि विभिन्न समयमा १२ करोड रुपैयाँ भन्दाबढीको राज्य कोषबाट रकम झिकेको खुलासा भएको थियो ।
नक्कली निकासी प्रज्ञापन पत्र बनाउने कर्मचारीको पहिचान भएपनि सो विषय छानविनकै क्रममा रहेको भन्दै उनीहरुमाथिको कारवाीगर्न आलटाल गरिएको हो । ती कर्मचराीको नामभने गोप्य राखीएको भन्सार विभागले जनाएको छ ।
गत आर्थिक वर्षको फागुन महिनामा तातोपानी नाका र रसुवा नाकाबाट नक्कली निकासी प्रज्ञापन-पत्र तयारगरि राज्य कोषबाट रकम झिक्नकालागि लेखापरिक्षक ओखलढुङगा पोकली घर भएका थलमान सुवेदीको मुख्य भुमीका रहेको विभाग स्रोतले जनाएको छ । उनीकै नाममा दर्ता भएको दिगम्बर ट्रेड इन्टरनेशनल लगायतका फर्महरुको सो कार्यमा संलग्न रहेका छन् ।
स्रोतका अनुसार भक्तपुर काठमाडौं र सिन्धुपाल्चोकमा दर्ता गरीएका अन्य फर्ममा दिगम्बर ट्रेड हाउसभीमेश्वर ट्रेड हाउस सरिता विजनेश इन्टरनेशनलसरिता इन्टरप्राइजेजअशुतोष इम्पेक्स र शिवशक्ती इन्टरनेशन नामका फर्मबाट सामान चीन निकासी गरेको प्रमाण पेश गरेका थिए । लेखापरिक्षक सुवेदीले तिव्वतमा रहेको बैंक अफ चाईनाबाट सो सामानको निकासी गरेको कागज बनाई सो रकम झिक्न सफल भएको अनुसन्धानबाट खुलेको विभागले जनाएको छ । सो कार्यमा तत्कालीन तातोपानी भन्सार कार्यालयका कर्मचारी सूर्य सेढाई विरेन्द्र पाण्डेरामकृष्ण तिवारीविश्वनथा खनालभवानी गुप्ताउद्धव थपलिया र शारादा दाहाल लगायत ७ जना कर्मचारीले सो नक्कली भन्सार प्ा्रज्ञापन-पत्र तयार पारेको आरोप स्रोतको छ ।
सरकारको अस्थिरता र राजनीतिक दलहरुको संरक्षणका कारण सो कार्यमा संलग्नलाई भन्सार विभागले कारवाही गरिहाल्न नसकेको एक भन्सार विभागका कर्मचारीले बताए । भन्सार कर्मचारीको मिलेमतोमा भएकॊ सो कार्यबाट ७ करोड रुपैयाँ झिकी राज्यको रकम हिनामिना गर्नेलाई तत्कालै कारवाही गर्न अर्थमन्त्रालयलाई सार्वजनीक लेखा समितिले गत वर्षको २६ चैतमा नै निर्देशन दिएको थियो ।
भन्सार विभागका महानिर्देशक टंकमणि शर्माले भने आबश्यक अनुसन्धान जारी रहेको वताए । ुसव्ौका बारेमा एकएकगरि अनुसन्धान गरिनु पर्ने भएकाले समय लाग्न गएको होु उनले भने ुनक्कली निकासी प्रज्ञापन पत्र बनाई राज्यको ढुकुटीबाट रकम झिक्ने र झिक्न सहयोग गर्ने सवैलाई कारवाही हुन्छ ।ु
अनुसन्धानका क्रममा उनीहरुले तिव्वततर्फ मैदाचाउचाउअगरबत्तिबनस्पति ध्यू लगायतका सामानहरु निकासी गरेको प्रमाण पेश गरेका सामानको विल र मुल्यअभिबृद्धिकरभ्याटको विल बनाउन सहयोग गरेको फेलापरेको विभागले जनाएको छ । यस कार्यमा अशोक अधिकारीको नाममा दर्ता भएको फर्मबाट सो सामान निकासी भएको जनाइएको छ । सो कार्यमा सिन्धुपाल्चोक उद्योग वाणिज्य संघको समेत संलग्नता रहेको अनुसन्धानबाट खुलेको विभागले जनाएको छ ।
त्ात्कालीन अर्थमन्त्री बाबुराम भट्टराईले भन्सार नाकामा अबैध कारोबार गरि राजस्व चुहावट गर्ने कोही कसैलाई पनि नछोड्ने बताएपछि एकाएक ती अबैध कारोबार गर्ने व्यवसायीहरु रसुबा नाकाबाट कारोबार गर्न थालेका थिए । भन्सार नाकामा हुनु पर्ने सामान्य भौतिक सुविधा समेत नभएको रसुवा नाकाबाट बार्षिक ४० करोड भन्दाबढीको व्यापारीक कारोबार भएको तथ्याङक विभागमा पेश गरेपछि सो कार्यको खुलासा भएको हो । सो कार्यमा संलग्न रहेका मध्ये तत्कालीन रसुवा नाकाका निमित्त प्रमुख कृष्णबहादुर हमाललाई विभागमा झिकाई अनुसन्धान गर्दा रसुवा र तातोपानीका भन्सार कार्यालयका कर्मचारीको मिलेमतोमा सो अबैध कार्य भएको भन्सार विभागले जनाएको छ ।