किन बुझाउदैनन् चौधरी, आईएमइ र गोल्छा ग्रुपले आयकर ?

रोशन कार्की काठमाडौं । सरकारले बेलाबखत समयसिमाभित्र आयकर नबुझाउने कम्पनी तथा व्यक्तीलाई कर बुझाउन कडा निर्देशन सहितको सूचना जारी गर्ने गरेको भएपनि अहिले सम्म कर छली गर्दै आएका ठूला कम्पनीका सञ्चालकलाई भन्ने उन्मुक्ति दिदै आएको छ । सवै क्षेत्रमा लगानी गरेको तर देशमा न्युन कर बुझाएका मारवाडी समुहका कम्पनीका मालिकलाई अहिले सम्म कुनै पनि निकायले ती कम्पनीबाट बुझाएको कर विवरणमा कुनै चासो दिएको देखिदैन । जसका कारण न्यून आयदेखाउदै करोडौ रुपैयाँ आयकर छली गर्ने कार्यमा झन तीब्रता आएको छ । सो कार्यमा सरकारी कर्मचारीकै योजना अनुसार आयकर कम देखाई सानाकर दाताको भन्दा पनि कम कर बुझाएर लाखौ कर बिदेश लैजादै आएका छन् । त्यसको प्रत्यक्ष उदाहरण हो मल्टिनेश्नल उद्योग सञ्चालन गर्दै आएका बिनोद चौधरीको समुह लगायत मारवाडी समुह । सो समुहमाथी सरकारले अहिले सम्म लगानी अनुसार उसको आम्दानीको एक हिस्सापनि कर बुझाएको छैन । जुन आन्तरिक राजस्व विभागको कर बुझाउनेहरुको सूचीलाई अध्ययन गर्दा प्रष्ट हुन्छ । चौधरी समुहले प्रत्येक वर्ष कर मिनाहा गरि पाउँभन्दै सम्बन्धित निकायमा निबेदन दिद कर छुट समेतको सुबिधा लिदै आएको छ । विभागले केही दिन अघि २७ ठूला व्यवसायिले ठूलो परिमाणमा आयकर नतिरको भन्दै १५ दिने सूचना जारी गरेको थियो । तर सो सूचीमा कर छली गरि करोडौ रुपैयाँ आफ्नो खातामा जम्मा गर्ने चौधरी ग्रुपसंगै मारवाडी समुहलाई भने उन्मुक्ति दिएको पाईएको छ । सुचीमा सञ्जय गोल्छा, सुधिर बस्नेत, अजय मुडभरी, सुमन सुवेदी, दीपमणि राजभण्डारी, सञ्जिवराज राजभण्डारी लगायतको नाममा सूचना जारी गरेको थियो । मूल्य अभिवृद्धि कर (भ्याट) र आयकर नतिरेको भन्दै विभागले सूचना प्रकाशित गरेको थियो । न्यू टेरिक नेपाल नेपालमा बिक्री हुने डेल कम्प्युटरको आधिकारिक विक्रेता समेत हो । लामो समयदेखि आयकर तिर्न ताकेता गर्दै आएको भएपनि अटेर गरेको भन्दै विभागले सूचना प्रकाशित गरी कर तिर्न भने अहिले सम्म गएको छैन । करदाता कार्यालयमा कर दाखिला नगरेको पाइएकाले सार्वजनिक सूचना नै प्रकाशित गर्नुपर्ने अवस्था आइलागेको विभागको भनाइ छ ।

प्रकाशित सूचनामा सुधिर बस्नेतको अग्नि एयर, कोहिनुर हिल, हाउजिङ, ओरियन्टल विल्डर्सले कर नतिरेको उल्लेख छ । आयकर नतिर्नेमा शुभ श्री पशुपति टे«डर्सका ज्ञानेश्वर सिंह, डेविडेयाग ड्रेगर्डस सिडब्ल्यूई ज्वाइट भेन्चरका लोथर अल्र्फड रयूकले पनि आयकर तिरेका छैनन् । सो कम्पनी नेपालको पश्चिम सेती जलविद्युत् आयोजना निर्माणका लागि भन्दै आएको चिनियाँ कम्पनी हो । एभरेस्ट पोलिमर्स प्रालिका विकासकुमार कोठारी, अल्सटम पावर जेनेरेशन एजीका जिर्राड बुनेल, मुडभरी एण्ड जोशी ज्वाइन्ट भेन्चर अजयकुमार मुडभरीले आयकर तिरेको छैन । मुडभरी एण्ड जोशी ज्वाइन्ट भेन्चरले त्रिशुली काठमाडौँ प्रसारण लाइन निर्माणको ठेक्का लिएको छ । यस्तै अन्य जलविद्युत् आयोजनाको प्रसारण लाइन निर्माणमा समेत सो कम्पनी संलग्न छ । इको हाउजिङ एण्ड रियालिटी प्रालिका ज्ञानसुन्दर ब्रजाचार्य, पृथ्वी जयसाईराम जेभीका केशबबहादुर दाहाल, नेकोन एयरका दीपमणि राजभण्डारी, विनायक इन्टरप्राइजेजका रामप्रसाद कोइराला मर्कण्टायल अफिस सिस्टमका संञ्जिवराज राजभण्डारी, पाकिस्तान इन्टरनेशन एयरलाइन्सका सामुन अली, पवनपुत्र इन्डस्ट्रिजका पवनकुमार लोहिया, नोयल जिएमविएचका डेबेस मण्डल, कर्पोरेटिभा मुराटोरी एण्ड सिमनिस्ट रेभेना इटालीले मूल्यअभिवृद्धिकर तिरेको छैन भने अरुले आयकर तिरेका छैनन् । विभागका अनुसार एभरेस्ट भिनायल प्रालिका विकास कठोरी, दक्षिणकाली इन्कर्पोरेट प्रििालका नविन जोशी, नेपाल टोवाको कम्पनीका प्रकाशचन्द्र सक्सेना, एमआर पप्पु जेभी सुमित रौनियार, भवतु सभ्य मंगलम् प्रालिका सुनिल अग्रवाल, सिआईसिओ तुँदी जेभीका सुमन सुवेदी, इसिआई कन्काई जेभीका राजप्रसाद मैनाली, पेट्रोलीमेक्स नेपाल प्रालिका प्रदिपशम्सेर जवराले मूल्य अभिवृद्धि कर तिरेका छैनन् । ठूला करदाता कार्यालयबाट कर नबुझाउनेलाई औपचारीक रुपमा मात्र सूचना जारी हुने गरेको छ । यसरी आफ्नो आयकर र कर समेत छली गर्नेहरुको मुख्य सूचीमा चौधरी ग्रुपका बिनोद चौधरी, अरुण चौधरी, बसन्त चौधरी, आइएमइ समुहका चन्द्र ढकाल, खेतान ग्रुप, गोल्छा ग्रुप, भाटभटेनी समुह, विसाल समुहलगायत विशेषगरी मारवरी समहुरहेका छन् ।