समिट होटलमा बिनोद चौधरीले पत्रकारलाई ठिकपार्न उपाय खोजेपछि.......

रोशन कार्की देशमा व्यवसायीक पत्रकारिता भन्दापनि दलगत पत्रकारिता फस्टाएको पछिल्ला घटनाबाट प्रष्ट भएको छ । म विदेशमा भएको पत्रकारिताको कुरा गर्न गएको छैन र यहाँ बाहिर के भयो भन्दापनि आफ्नो देशमा भएका र भोगेका विषयमा अहिले चर्चा गर्न खोजेको हुँ । पछिल्लो समयमा विभिन्न अनलाईन मिडियामा देशमा कर छली गर्दै अर्बपति बनेका त्यसमा पनि विश्वको धनी व्यापारी बिनोद चौधरी, देशको सम्पत्तीमा गिद्धेदृष्टी लगाई पर्यटनको विकासको नाममा कालाकर्तुत गर्दै आएका बैक सञ्चालक चन्द्र ढकाल र एनआरएनका संस्थापक अध्यक्ष उपेन्द्र महतोको बारेमा समाचार लेखेपछि अहिले कुन तबरबाट पत्रकारलाई ठिक पार्ने भन्ने उपाय खोजी भएको छ । गत साता कुपोण्डोलमा रहेको बिनोद चौधरीको लगानीमा सञ्चालीत समिट होटलमा राखिएको रात्रीभोजमा चौधरीले पत्रकारलाईनै सोधेर कुन तबरबाट आफ्ना विरुद्ध कारबाही गर्ने भन्दै उपाय मागेर पत्रकारमाथी आक्रमणको समेत योजना बनाएको थाहा हुन आएको छ । विशेषगरि नेपालका आर्थिक पत्रकारहरुलाई बोलाईएको सो भोजमा आफुलाई बरिष्ठ आर्थिक पत्रकार भन्न रुचाउनेहरु चौधरी समक्ष आधा जिउ निहुराएर पुगेका थिए ।

सो भोजमा चौधरीले धाराबाहिक रुपमा आएको उनी विरुद्धको समाचरको बारेमा समेत चर्चा गरेका थिए । सो समाचारकै कारण पहिलो पटक कर बुझाएको विज्ञप्ति जारी गर्नु परेको र पनि मेरो र मेरो कम्पनीका बिरुद्ध किन लेखि रहेको छ कस्ले लेख्न लगाएको छ भन्दै सो बारे अब कुन तबरबाट लेख्नेलाई ठिक पार्ने भन्दै उपाए मागेपछि एकछिन भोजमा सहभागी भएका पत्रकारहरु अलमल्ल परेका थिए । भोजमा सहभागी एक सदस्यले भने, तर त्याहाँ सहभागी आमपत्रकारलाई सम्मानका साथ हेर्ने गरेको थिए तर, आफ्नै साथी विरुद्ध पेलेर जानु, परि आएर प्रशासनको सहयोगमा ठिक पार्नु पर्छ, हामी तपाईकै साथमा छौ, लेख्नेले लेखि रहन्छ ? हामी ठूला मिडिया हाउसका बरिष्ठ पत्रकार हौ, भन्दै चौधरीको विरुद्धमा कलम चलाउने पत्रकारलाई आक्रमण समेत गर्दा हुने भन्ने उपाय दिएपछि उनीहरुमाथी रहेको सम्मान म बाट हटेको समेत बताए । यसबाट के प्रमाणित हुन आउछ भने नेपालका अधिकाशं पत्रकारहरु गैरकानूनी तबरबाट कारोबार गर्नेलाई समर्थन गर्दै, अबैधरुपमा रकम संकलन गर्ने गरेका खुलेको छ । स्मरण रहोस, देशमा कर छलीकोबारेमा प्रमाण सहित यस स्तभकारले लेख्दै आएको हो । विश्वको धनीको सूचीमा नाम भएका चौधरी समुहका अध्यक्ष चौधरीले देशलाई बुझाउनु पर्ने कर छली गरेर सहि बिवरण लुकाएको आरोपमा उनीमाथी छानविन हुने भएपछि शक्ति केन्द्रको शरणमा समेत पुगेका छन् । संविधान सभाको निर्वाचनबाट एमालेको कोटामा समानुपातिक सभासद बनेका चौधरीले तत्कालिन अर्थमन्त्री भरतमोहन अधिकारीलाई आफ्नो नियन्त्रणमा पारी अबैध रुपमा कमाएको रकमलाई विदेश लैजान सफल चौधरी अहिले सो दल छोडी एकाएक नेपाली काँग्रेसमा प्रबेश गरेसंगै उनको असली चरित्र बाहिरएको छ । एकताका चौधरी ग्रुपकै एक लेखनदास (मुन्छी) पदमा जागीर खाएका अधिकारीलाई सोझोपनको फाईदा उठाउदै रातारात रकम बिदेश लैजान सफल भएका थिए । सरकारी रेकर्डमा न्यून आय भएको सूचीमा चौधरी र उनको कम्पनी दर्ता भएपछि कसरी भए विश्वको धनी भन्ने प्रश्न उठि रहेको अबस्थामा अझै चौधरी यो देशका असल व्यापारी हो भन्दै कक्टेल पाटीमा सहभागी पत्रकार मित्रहरुले अर्का पत्रकारलाई कुन हैशियतले ठिक पार्ने उपाय दिए यो गम्भीर प्रश्न बनेर आएको छ । आपूmलाई नेपालको एक मात्र डलर अर्बपति दाबी गर्ने चौधरी एकाएक किन कांग्रेस पसे भन्ने रहस्य खुल्दै जान थालेको छ । कांग्रेसलाई चुनाव खर्च बुझाएर समानुपातीकमा नाम लेखाउन सफल चौधरी माथी ठूलै समस्या आउन लागेपछि र सो समस्यालाई समधान गर्नकै लागि काँग्रेस प्रबेश गरेको काँग्रेसकै एक उच्च स्रोतको दाबी रहेको छ । तर सो समस्या समधान गर्न चौधरीलाई सजिलो हुने अबस्था भने छैन । नाम नलेख्ने सर्तमा काँग्रेस स्रोतले भन्यो,‘विनोद चौधरी विरुद्ध सम्पति शुद्धिकरण विभागमा अकूत सम्पति आर्जनको मुद्दा परेपछि र उनी विरुद्ध देशको सम्पति बाहिर लगेको विषयमा पनि छानविन हुने अबस्थामा पुगेकाले सो रोक्नकै लागि उनी काँग्रेसको शरणमा आएका हुन उनी राजनिति गर्नेभन्दा पनि उनी आफ्नो अकुत स्रोत नखुलेको सम्पत्ती जागाउनमात्र काँग्रेसको साथ लिएको हो ।’ उनी विरुद्ध आएका आरोपका बारेमा न चौधरीले फोन रिसिव गरेका छन न उनले कुनै माध्यमबाट आरोपको खण्डन नै गरेका छन् । यसबाट के प्रमाणित हुन्छ भने देशलाई खोक्रो बनाएर विश्वको धनीको सूचीमा परेपनि उनको मुख्य काम भने कर छली र नक्कली भ्याट विलबाट कारोबार गरेर सम्पत्ती कमाउने मात्र उदेश्य रहेको पाइएको छ । चौधरी निकट एक उच्च स्रोतले दिएको जानकारी अनुसार आफ्नै भाईहरुसंग समेत राम्रो सम्बन्ध नभएको र भाईहरुलाई पुर्खाैली सम्पति समेत बाँडफाँड नगरि आफैले भोगचलन गरेको आरोप समेत लागेको छ । बिनोदले चौधरी ग्रुपको सबै सम्पत्ती र पुर्खाैली सम्पत्ती समेत एकल देखाएर बिश्बको धनीको सूचीमा परेको आरोप समेत स्रोतको रहेको छ । चौधरी ग्रुप अन्तर्गत कार्यरत कर्मचारीहरुप्रतिको ब्यवहारका कारण विनोद चौधरी विरुद्ध प्रमाण जुटाउन विभागलाई सहज भएको हो । उनका भारतीय गडफादरहरु पनि कांग्रेसलाई समर्थन गरेमा समस्याबाट बचाईदिने आश्वासन दिएको पनि बुझिएको छ । भारतको राम्रो सम्बन्ध काँग्रेसको भएको भन्दै उनी रातारात प्रबेश गरेको बताइएको छ । उनले सो मुद्दालाई फितलो बनाई आफुलाई जोगाई दिएमा ठूलै धनराशी खर्चनुपर्ने पनि गर्न तयार भएको उनी निकट स्रोतले बताएको छ । यसरी भित्रभित्रै विभागमा उजुरी परेपछि उनकै होटल ‘समिट होटल’ मा विना कारण रात्रीभोजको आयोजना गरेर आफ्नोबारेमा बोलीदिन र लेखिदिन समेत आग्रह गरेको भोजमा सहभागी एक सदस्यले बताएका छन् । होटलमा राखिएको कक्टेल पाटीमा पत्रकार, दलका केही नेता र चौधरीका केही कर्मचारीहरुको सहभागीता रहेको थियो । सो पाटीमा आमन्त्रण गरिएका अधिकाशंलाई एक्लाएक्लै भेट गरि आफ्नो बिरुद्धमा बोल्ने र लेख्नेलाई के कसरी ठिक पार्ने भन्दै समधानको उपाय समेत खोजेको थाहा हुन आएको छ । सो पाटीमा सहभागी अधिकाशं पत्रकारहरुले कहाँ के कस्ले के लेख्छ भन्नेमा चासो नदिन र प्रतिकृया समेत नदिन सुझाब दिएका थिए । जस्ले जहाँ जे लेखेपनि त्यसको कुनै प्रभाब नरहेको हामी राष्ट्रिय मिडियामा भएकाले नडराउन समेत सुझाब दिएको स्रोतको दाबी रहेको छ । जव चौधरीलाई संकट आइपर्छ तब उनले यसरीनै रात्रीभोजको आयोजना गरि आफ्ना समर्थनमा बोल्न र लेख्न आग्रह गर्ने गरेका छन् । नक्कली मुल्यअभिबृद्धि कर (भ्याट) का बारेमा छानविन हुदाँ पनि उनले रात्रीभोज र दशैतिहारमा उपहार समेत उपलव्ध गराएका थिए । उनले आफ्नो विरुद्धमा लेखिएका सवै समाचार रोक्न र समर्थनकोमात्र समाचार लेख छापिदिन समेत आग्रह गरेका थिए । भने विभागका कर्मचारीलाई आफुले मिलाउने र सो कुरा कहि कतैबाट आएमा रोकिदिन आग्रह गरेको स्रोतको दाबी छ । चौधरीले सार्वजनिक सभामा दिएको भाषणको सामाजिक सञ्जाल र मिडिया व्यापक आलोचना हुदै आएको छ । सायद चौधरीले अहिलेसम्म यति चर्को आलोचना व्यहोर्नु परेको थिएन । चौधरी सबैभन्दा बढि अवैध धन्दा गर्ने र कर छली गर्ने व्यक्ति हुन । सरकारले उनीमाथि कुनै कोणबाट छलफल थाल्यो भने चौधरी हरेक कोणबाट फस्ने निश्चित छ । लहरो तान्दा पहरो गर्जयो भने उनले स्वर्गिय राजा बिरेन्द्रको सम्पत्ति हत्याएको र सो सम्पत्तीको समेत खोजी हुने स्रोतको दाबी रहेको छ । यसरी आफ्ना विरुद्ध समाचार लेख्नेमाथी ठिक पार्ने र अबैध कारोबार गर्नमा अबरोध गर्नेलाई बाटो बाट हटाउन चौधरीले विभिन्न स्रोतहरु लगाउदै आएका छन् । सो ग्रुपले गरेको गैरकानुनी कार्यको समाचार लेखेकै आधारमा शेयर बजारका सम्पादक दिनेश आर्चायलाई विभिन्न आरोप लगाएर पक्राउ गर्न समेत सफल भएका चौधरी यस पटक पनि उही हतकण्डा अपनाउन उनी निकट पत्रकारहरुले सुझाब दिएको समेत खुलेको छ । त्यसैले चौधरीको सुपारी खाएर देशमा स्वतन्त्र पत्रकारिता गर्छु भन्दै सार्वजनिक सभा र चोकमा हुँकार नदिनेकी महासयहरु । जय होस । प्रतिकृयाकालागि karkirimn@gmail.com