रक्तचन्दनमा माओवादी, सैनिक र भन्सार                  कर्मचारीको संलग्नता 

संगठित रुपमा रक्तचन्दनको अवैध कारोबार सुरु भए पछि माओवादीका साथै सैनिक अधिकृत र भन्सार कर्मचारीको पनि संलग्नता खुलासा भएको छ । माओवादीभित्र  रक्तचन्दनको कारोबारमा संलग्नता रहेको आरोपप्रत्यारोप केन्द्रीय नेतृत्वसम्म पुगे पछि यसबारे छानविन समितिनै बनेको छ । रक्तचन्दन ओसारपसारमा सघाएको ठहर्‍याई नेपाली सेनाले एक प्रमुख सेनानीलाई कारबाही गरिसकेको छ । भन्सारबाटै रक्तचन्दन पास गराएको फेला परे पछि तातोपानी भन्सारका एक खरिदार र कार्यालय सहयोगीमाथि कारबाहीको प्रक्रिया सुरु गरिएको छ ।

माओवादीका तर्फबाट आवास तथा भौतिक योजना राज्यमन्त्री बनेकी देवी खड्काले सूचना तथा सञ्चार मन्त्री अग्नी सापकोटा रक्तचन्दनको कारोबारमा संलग्न भएको आरोप लगाउदै केन्द्रीय समितिमा उजुरी गरे पछि अमिक शेरचनको संयोजकत्वमा छानविन समिति गठन भएको थियो ।

'रक्तचन्दनको कारोबारमा जस्तो मुनाफा अरु व्यवसायमा नहोला,' यसको कारोबारमा धेरैथरिको संलग्नता बारे अञ्चल प्रहरी कार्यालय, लुम्बिनीका एसएसपी प्रकाश अर्यालले भने । पक्राउ परेका रक्तचन्दन कारोबारीका अनुसार दक्षिण भारतबाट नेपालमा ल्याउूदा एक किलो रक्तचन्दनको मोल करिब ३ हजार रुपैयाू पर्छ । सीमापारी चीनमा नौ हजार रुपैयाू किलोमा हाताहात बिक्री हुन्छ ।

रक्तचन्दन चीन पुर्‍याउन सघाएको फेला परे पछि नेपाली सेनाले धुन्चे ब्यारेकका गणपति रामजी थापालाई 'कोर्ट मार्शल' को तयारी गरेको छ । 'कोर्ट अफ इन्क्वायरी' ले संलग्नता पुष्टी गरे पछि उनलाई मुख्यालय झिकाई कोर्ट मार्शलको प्रक्रिया सुरु गरिएको स्रोतले जनाएको छ । तातोपानी भन्सारबाट रक्तचन्दन पास गराएकोमा खरिदार भवानी खनाल र कार्यालय सहयोगी रामहरी कार्की शंकाको घेरामा परेका छन् । दुवैमाथि कारबाहीको प्रक्रिया सुरु गरिएको छ । 'छानविन जारी रहेकाले अहिले केही भन्न मिल्ने अवस्था छैन,' भन्सार विभागका महानिर्देशक टंकमणी शर्माले भने । 

भक्तपुर पुरानो ठिमीका नेत्रबहादुर श्रेष्ठ अपरहण अनुसन्धानको क्रममा रक्तचन्दनको कारोबारमा  माओवादीको संलग्नताका साथै रकमलाई लिएर तिनीहरुबीच उत्पन्न विवादको थप खुलासा भएको छ । साउन १ गते बेलायतबाट आशिष श्रेष्ठले भाई नेत्र अपहरणमा परेको अपराध महाशाखामा जानकारी गराए पछि प्रहरी सक्रिय भएको थियो । 'अपहरण गरेर १ करोड रुपैंया मागिरहेको सूचना पाइयो' अनुसन्धानमा संलग्न एक प्रहरी अधिकृतले भने 'अनुसन्धानमा रक्तचन्दन लुकाएर पैसा मागेका कारण अर्को समुहले अपहरण गरेको खुलासा भयो ।' प्रहरीले अपहरणमा संलग्न कृष्ण श्रेष्ठलाई पक्राउ गरेपछि रक्तचन्दनको तस्करी खुलासा भएको थियो । एक बर्ष देखि रक्तचन्दनको ओसारपसारमा संलग्न भएको बयान उनले दिएका छन् । महिना अघि एक पटक रक्तचन्दन चीन पठाइसकेको बताएका छन् । महाशाखाले अपहरित र अपहरणमा संलग्न दुवैलाई नियन्त्रणमा लिएर सार्वजनिक मुद्दा दायर गरेको छ । अपहरणकारीले सल्लाह गर्न मात्र नेत्रलाई राखेको बयान दिएका थिए ।   नेत्रले पनि अपहरणमा परेको इन्कार गरे पछि उनीमाथि पनि मुद्दा चलाइएको प्रहरीले जनाएको छ । प्रहरीका अनुसार नेत्रलाई अपहरण गरेर पुतलीसडकको तिरुपती होटलमा राखेका थिए । प्रहरीले गुमराहमा राखेको भन्दै अपहरणमा संलग्न कृष्ण श्रेष्ठ र अपहरीत नेत्रलाई सार्वजानिक मुद्धा दायर गरेको हो ।

प्रहरीले झण्डै एक करोड मूल्य बराबरको रक्तचन्दन सिन्धुपाल्चोकको चौतारामा बरामद गरेपछि कारोबारीबीच विवाद उत्पन्न भएको थियो । असार १४ गते कृष्णलगायत दीपक सापकोटा, मीनबहादुर श्रेष्ठ, जीत श्रेष्ठ र कमल थापाको समूहले बुटवलका दिनेश यादबबाट ४ हजार ८ सय किलो रक्तचन्दन किनेर चितवनको नारायणगढमा लुकाएका थिए । केहि दिनपछि लुकाएको ठाउूबाट उक्त रक्तचन्दन गायब गरी ३० लाख रुपैयाू माग गरे पछि नेत्रलाई अपहरण गरिएको प्रहरीले जनाएको छ । 

अपहरणमा परेका नेत्र श्रेष्ठसहित वाइसिएल काठमाडौं इन्चार्ज प्रताप गुरुङ मौसम, वाइसिएल कार्यकतर्ा दीपक क्षेत्री, गणेश श्रेष्ठ, योजनाकार हिमाल श्रेष्ठलगायतले उक्त रक्तचन्दन प्रकाश थापाको कावासोतीस्थित गोदाममा लुकाएका महाशाखाले जनाएको छ । प्रहरी सक्रिय भए पछि उक्त रक्तचन्दन जंगलमा फालिएको महाशाखाले जनाएको छ ।  

रक्तचन्दनले नवलपरासी वाइसिएलमा पनि तनाब उत्पन्न गराएको छ । कारोबारमा वाइसिएल केन्दि्रय सदस्यसमेत रहेका मौसमको संलग्नता रहेको जिल्ला नेतृत्वले बताउदै आएको छ । मौसम माओवादीको नेवा: राज्य समिती सदस्य हुन् । नवलपरासीका वाइसिएल इन्चार्ज पदमबहादुर केसी 'जुझारु' ले मंगलबार पत्रकार सम्मेलन गरी कावासोतीमा ठुलो परिमाणमा रक्तचन्दन लुकाइएको दाबी गरेका थिए ।  

ठूलो परिमाणमा कारोबार गर्ने योजना

गोप्य रुपमा ससानो परिमाणमा ओसारपसार गरिरहेका समूह पछिल्लो पटक लाइन मिलाएर ठूलो परिमाणमा रक्तचन्दन चीन पुर्‍याउने योजनामा छ । करिब एकसय टन -१ लाख किलो) रक्तचन्दनका लागि सम्झौता गरिसकेको समूह लाइन मिलाउन राजनीतिक नेतृत्वसूग मोलमोलाई गरिरहेको छ । एक पैसा घूस नखाने किरिया खाएर प्रहरीको अवैध असुली नियन्त्रणमा लागेको गृह प्रशासनसूग कुरा मिल्ने नदेखे पछि गिरोह अनुकूलको गृहमन्त्री बनाउन माओवादी नेतृत्वसमक्ष लविङ गरिरहेको प्रहरी सम्बद्ध स्रोतले जनाएको छ । तातोपानी भन्सारमा अनुकूलका अधिकृत सरुवा गराई हजारौं टन रक्तचन्दन चीन पुर्‍याउन गिरोह सक्रिय छ । 

भैरहवाबाट रक्तचन्दन भित्रिएको थाहा पाए पछि प्रहरीले सक्रियता बढाएको छ । प्रहरीले पाूच दिनअघि बोलेरो जिपबाट डेढ क्विन्टल रक्तचन्दन बरामद गरी चालकसमेत नियन्त्रणमा लिएको छ । अञ्चल प्रहरी कार्यालय, लुम्बिनीका एसएसपी प्रकाश अर्यालका अनुसार भारतबाट ट्रकमा तलपट्ट िरक्तचन्दन राखेर माथिपट्ट िफलफूल, तरकारी लगायत सामानले ढाकेर भित्रिने गरेको सूचना छ ।' हामीले आफ्नो सूचना सञ्जालका साथै भन्सारलाई पनि सचेत हुन भनिएको छ,' उनले भने । समूहमा १ सय ४ जना रहेको पत्ता लागेको छ ।