केन्द्रबाटै भन्सार नाकामा हुने सामानको जाँचपासको अवलोकन गरिने

रोशन कार्की/ काठमाडौं १ भदौ
भन्सार नाकाबाट बढी मात्रामा चोरीनिकासी कार्यमा नियन्त्रण नआएपछि भन्सार विभागले प्रमुख भन्सार कार्यालयहरुमा इन्टरनेट प्रोटोकल आईपी क्यामरा जडान गर्ने कार्य सुरु गरेको छ । विभागले विभिन्न भन्सार नाकाबाट कर्मचारीको मिलेमतोमा कम भन्सार मूल्यांकन गरी सामान छुटाउने कार्य नियन्त्रणमा नआएपछि विभागले केन्द्रबाटै भन्सार कार्यालयमा हुने सामानको चेकजाँचलाई प्रत्यक्ष रुपमा अवलोकन गर्ने उद्देश्यले इन्टरनेट प्रोटोकल आईपी क्यामरा जडान गरी सो प्रणालीको सुरुआत गरेको भन्सार विभागले जनाएको छ । विभागका अनुसार सो प्रणाली जडानको पहिलो चरणमा त्रिभुवन अन्तर्राष्ट्रिय विमानस्थलस्थित भन्सार कार्यालयबाट सुरु गरेको भन्सार विभागका महानिर्देशक टंकमणि शर्माले बताए । महानिर्देशक शर्माले भने ुभन्सार सुधारीकरणअन्तर्गत रहेको योजनाअनुसार सो कार्य सुरु गरेको हो अब यो प्रणालीलाई मुख्य भन्सार कार्यालयमा चरणबद्ध रुपमा जडान गदै जानेछौं ।ु विभागले सो प्रणाली अन्तर्राष्ट्रिय त्रिभुवन अन्तर्राष्ट्रिय भन्सार कार्यालयमा सुचारु भएको छ । त्यस्ौगरी चरणबद्ध रुपमा वीरगन्ज भैरहवा तातोपानी भन्सार कार्यालयमा दोस्रो चरणमा र अन्य चरणमा मेची सुक्खा बन्दरगाह कृष्णनगर नेपालगन्ज धनगढी भन्सार कार्यालयमा सो प्रणाली जडान गरिने जनाइएको छ ।
यूएसआईडी को आर्थिक सहयोग जडान कार्य सुरु गरेको सो कार्यले शंका लागेको समानमा केन्द्रबाटै अवलोकन गरी सम्बन्धित सामान खोलेर हेर्नेलगायतको सुविधा सो इन्टरनेट प्रोटोकल क्यामरामा रहेको विभागले जनाएको छ । विभगाले बृहत् सूचना प्रणाली जडान गरेपछि २ करोड रुपैयाँ थप राजस्व संकलन भएको समेत जनाएको छ । सो प्रणालीका कारण चुहावट हुने गरेको सबै राजस्व नियन्त्रण गर्न नसकिए पनि केही मात्रामा चुहावट नियन्त्रण भएको विभागले जनाएको छ । सो प्रणाली जडान गरेपछि भन्सार कार्यालयमा कर्मचारीले अरुको सामान झिकिदिने भन्ने जनगुनासोसमेत नियन्त्रण हुने दाबी महानिर्देशक शर्माले गरेका छन् ।
विभागले गत वर्षको भदौबाट मुलुकको मुख्य १० ओटा भन्सार कार्यालयमा जडान गरेको बृहत् सूचना साजाल कारण पनि केही मात्रामा भन्सार चुहावट कार्यमा नियन्त्रण भएको छ । विभागले पटक-पटक लक्षित राजस्व संकलन गर्न दिएको निर्देशनलाई समेत विभिन्न भन्सार कार्यालयका कर्मचारीहरुको बेवास्ताका कारण लक्षित राजस्व संकलन हुन सकेको थिएन । चालू आव २०६७÷६८ मा लक्षित राजस्व संकलन नभएपछि विभागले चालु आब २०६८÷६९ मा लक्षित भन्सार राजस्व संकलन गर्न कडा निर्देशन जारी गरेको छ । सो निर्देशन कडाका साथ पालना गर्न र लक्षित राजस्व संकलन नगरेको खण्डमा हदैसम्मको कारबाही गर्ने निर्देशन विभागले आफूमातहतका सबै निकायलाई दिएको छ ।