न्युज २४ ले झण्डै दुई दर्जन कर्मचारीको तलब कुम्ल्यायो

काठमाडौं, भदौ ४ ।

सधै जसो अरुले एक या दुई जनाको पाच या दश हजार ठगेको समाचारलाई बिग न्युजका नाममा बबण्डर समाचार बनाउदै हिड्ने न्युज २४ ले बिभिन्न बहानामा बर्खास्ता गरेर तलब नपाउने पत्रकारहरुको संख्या झण्डै दुई दर्जन पुगेको छ ।अरु मिडियाहरुमा नाम चलेका र अनुहार देखाएकाहरु मात्रै खतरा पत्रकार हुन् भन्ने हावा लागेको न्युज २४ को कर्मचारीलाई तलब नदिने र बिभिन्न बहानामा हायर एण्ड फायर गर्ने परम्परा त पुरानै हो ।यद्यपि माथि उल्लेख गरेका पत्रकारहरुको संख्या भने उही स्वयं टेलिभिजन संस्था आफैले महिनौ सम्म तलब नदिएको, बिशेष गरेर प्रमुख संयोजक चिरञ्जीवी देबकोटासंग टसल भएका र उसले नै मनोमानी ढंगमा अध्यक्ष अनिल जोशीलाई अनुरोध गरी बर्खास्त गर्न लगाइएका पत्रकारहरुको संख्या सबैभन्दा बढी छ ।
आफूलाई निकाल्ने कुरा पहिलादेखि कै रणनीति भए पनि एकाएक अध्यक्ष जोशीका बिशेष सहयोगीका रुपमा चिनिने देबकोटाकै सिफारिशमा आफू बर्खास्त भएको बताउने पत्रकारहरु दर्जन भन्दा बढी छन् भने अरुहरु कामको बहाना बनाएर या अन्य बिभिन्न आरोप प्रत्यारोपका आधारमा निकालिएकाहरु छन् । गत बर्षको माघमा पनि यो टेलिभिजनले बिभिन्न बहानामा झण्डै आधा एक दर्जन पत्रकारहरुलाई फायर गर्यो । पत्रकार डिल्लीराम भट्टराई, त्रिलोचन प्रधान आदिको नेतृत्वमा त्यस वेला पीडित पत्रकारहरुले आफूलाई संस्थाले जवरजस्ती बर्खास्त गरेको भन्दै पत्रकार महासंघमा उजरी पनि गरेका थिए ।
उनीहरुको समस्या समाधान गर्ने भन्दै तत्कालीन कार्य समतिका महासचिव पोषण केसी न्युज २४ मा गए र देबकोटा, अध्यक्ष जोशीसंग दारु पानी खाएर उनीहरुको समस्या समाधान भयो भन्दै बाहिरिएका थिए, एक पीडित पत्रकारले बताए ।हाल बर्खास्त गरिएका, काम गर्ने वातावरण नभएको भन्दै स्वइच्छाले न्युज २४ छोडेका पत्रकारहरुको संख्या झण्डै दुई दर्जन पुगिसकेको छ भने उनीहरु मध्ये कसैले पनि संस्थाले कम्तीमा दुई महिनाभन्दा बढीको तलब नदिएको गुनासो गरेका छन् ।
मलाई निकाल्ने उनीहरुको शुरुदेखिकै रणनीति थियो, शुरुमा बिभिन्न बहानामा मलाई निकाल्ने प्रयास भयो तर सकेनन्, पछि निकालेरै छोडे, एक पत्रकारले नाम नबताउने शर्तमा बताए । उनका अनुसार अधिकांश साथीहरुको दुईदेखि चार महिना सम्मको तलब टेलिभिजनले दिएको छैन । यसरी निकालिएका पत्रकार, चालक, मार्केटिङका अधिकृत या कर्मचारी, क्यामेरा पर्सन, कार्यक्रम सञ्चालक, एडिटिङ डेस्ककाहरु छन् ।उनीहरुकै एक साथीले आगामि केही दिन भित्रै आफूहरुलाई तलब नदिएको बिषय खुलाए न्युज द्दद्धलाई आवश्यक कारबाही गरी पाऊ भनी महासंघमा निबेदन दिने कार्यक्रम छ । जस अनुसार उनीहरुले महासंघका वर्तमान अध्यक्ष शिब गाउले लगायतका प्रतिनिधिहरुसंग आवश्यक परामर्श गरिरहेको प्राप्त न्युजमा जनाइएको छ ।
यसरी कहिले ग्यालेशीले राष्ट्रिय गान बजाएन या बिदेशीको पक्षपोषण गर्यो, कहिले धन लक्ष्मीको धन्दा नेपालीलाई फन्दा जस्ता नारा लगाएर समाचार बनाउने न्युज २४ ले आफ्नै कर्मचारीलाई जवरजस्ती गलहत्याउने र तलब नदिइ दादागिरी देखाएको समाचारलाई किन आम सञ्चार माध्यमहरु हट न्युज बनाउदैनन्, किन विज्ञापन दिन्छन् भनेर कतिपय गौण समस्या बाहिर ल्याउदैनन् र बिकिसकेको बासी समाचारलाई फलो अप गर्दै यो धमाकेदार समाचार बन्छ भन्दै हिड्छन्।