हुन्डी कारोबार गर्नेमाथि अनुसन्धान तीव्र

रोशन कार्की÷राजधानी
काठमाडौं ३ कात्तिक
काठमाडौंका विभिन्न स्थानबाट अवैध रुपमा साचालन भइरहेको हुन्डीको कारोबार रोक्न र सो कार्यामा संलग्न रहेकामाथि कडा कारबाही गर्ने उद्देश्यका साथ राजस्व अनुसन्धान विभागले अनुसन्धानमा तीव्रता दिएको छ । विभागले गत वैशाख महिनामा राजधानीको विभिन्न स्थानमा छापा मारेर पक्राउ परेकाबाट पाएको विवरणअनुसार विभागले सो कार्यलाई नियन्त्रण गर्न र चाँडोभन्दा चाँडो सो समस्या समाधान गर्न नेपाल राष्ट्र बैंक केन्द्रीय अपराध अनुसन्धान ब्युरो सीबीआई र नेपाल प्रहरीको संलग्नतामा सो विषयमा अनुसन्धान भएको विभागका महानिर्देशक शान्तबहादुर श्रेष्ठले बताए । महानिर्देश श्रेष्ठले भने ुनेपालमा हुन्डीको कारोबार बाहिरबाट नदेखिए पनि भित्रभित्रै चलिरहेकाले विभाग राष्ट्र बैंक र अपराध ब्युरोको सहयोगमा सो कार्य रोक्न तल्लीन रहेको र अनुसन्धान भइरहेको छ अब केही समयमा कानुन वमोजीम कारवाही गर्नेछौं ।ु
हाल केही हुन्डीको कारोबार गर्नेको पहिचान भएको र उनीहरुलाई पनि सबुत प्रमाणसहित नियन्त्रणमा लिई कारबाही प्रकि्रया अगाडि बढाउनेसमेत महानिर्देशक श्रेष्ठले राजधानीसँगको भेटमा बताए ।
अनुसन्धानबाट प्राप्त रिपोर्टका आधारमा सो कार्यमा संलग्न भएको भेटिएको खण्डमा अवैध कार्य गर्नेमाथि राजस्व चुहावट विदेशी मुद्रा अपचलन ऐनअनुसार कारबाही हुने उनले जनाए । विभागका अनुसार हाल राजधानीमा मात्र सो अवैध धन्धा साचालन गर्नेको संख्या करिब चार दर्जनको हाराहारीमा रहेको अनुसन्धानबाट खुल्न आएको जनाएको छ ।
यसरी अन्य व्यवसायको नाममा राजधानीको विभिन्न स्थानमा स्थापना गरेको कार्यालयबाट लामो समयदेखि हुन्डीको कारोबार गर्नेहरुमा नारायण पौडेल बच्चु पौडेल विष्णु खत्री सुमन खत्री राजेन्द्र श्रेष्ठ प्रदीप सरिया गोविन्द सरिया शोभा खरेल मोहन अग्रवाल पवन सरिया हरि चिरानिया राजु मालु मदन केसी कृष्ण ज्ञावाली शिवरत्न पोछार दिनेश श्रेष्ठ अशोक श्रेष्ठ नेत्रविक्रम पौडेललगायत पहिलो पंक्तिमा रहेका छन् ।
विभिन्न स्थानमा भिन्न प्रयोजनका लागि खुलेका कार्यालय होटल र गेस्टहाउसबाट अवैध रुपमा हुन्डीको कारोबार हुने गरेको छ । चीनको स्वशासित क्षेत्र तिब्बतका बजारमा उनीहरुलॆ हुन्डीमार्फत कारोबार गर्ने गरेका छन् । नेपाल र चीनबीचको व्यापारिक कारोबारमा नेपाली व्यापारीहरुले राजधानीको नयाँ बसपार्कस्थित रहेका विभिन्न होटल र गेस्ट हाउस र आफ्नै घरबाट हुन्डीमार्फत रकम तिब्बतको ग्वान्जाउ सहरसम्म पठाउने गरेका छन् ।
ट्राभल एन्ड टुरको कार्यालय स्थापना गरी तेस्रो मुलुक र भारत चीनमा हुन्डीको कारोबार गर्ने भएकाले अर्बौं रुपैयाँ राजस्व देशलाई नोक्सानी भएको भएको समेत विभागले जनाएको छ । ट्राभल्सको कारोबार गर्ने भन्दै खुलेका ट्राभल्स ऐजेन्सीहरु िसंगापुर इन्टरप्राइजेज सुन्धारा धाख्वा विलिङ मनकामना ट्राभल्स दरबारमार्गको इमिरेट्स ट्राभल्स सुन्धाराको युनिक ट्राभल्स एन्ड टुस्र एडभान्स मनी ट्रान्सफर र पशुपति मनी ट्रान्सफरबाट भारत चीन अस्ट्रेलिया दक्षिण कोरिया र खाडी मुलुकमा बढी मात्रामा हुन्डीमार्फत कारोबार हुने गरेका छन् ।
नेपाली पुँजी पलायनमा समेत यसै हुन्डीमार्फत हुने गरेको छ । नेपाल र चीनसँग हुने व्यापारिक कारोबारसमेत यसै हुन्डीमार्फत हुने गरेको छ । राजधानीको नयाँ बसपार्कको होटल रेस्टुरेन्ट चावहिल स्वयम्भू कलंकी सीतापाइलाबाट यस अवैध हुन्डीको कारोबार हुने गरेको छ ।