बैदेशिक रोजगार विभागमा सस्थागत भ्रष्ट्राचार
रोशन कार्की
काठमाडौं । बैदेशिक रोजगार विभागमा अस्थिर सरकारको मौका छोपी अबैध कारोबार गर्ने कार्यमा तीब्रता आएको छ । कर्मचारी नियमावली विपरीत घुस असुल्नकै लागि सरकारले कर्मचारीको सरुवा एवं पदस्थापन गरेको तथ्य सार्वजनिक भएको छ । वैदेशिक रोजगार विभागको अन्तिम स्वीकृति शाखामा निर्देशकहरु कमलराज भण्डारी, बद्रीबहादुर कार्की र शाखा अधिकृत बाबुलाल रेग्मीको पदस्थापन पछि फाइल सेटिङ सुरु ष्री अबैध संलग्नतामा रकम संकलन गरी सेवाग्राहीसंग ठगी गर्ने गरेको खुलेको छ । विभागका एक कर्मचारीले नाम नछाप्ने सर्तमा दिएको जानकारी अनुसार विभागमा आउने सेवाग्राहीलाई स्टिकर टास्नकैलागि कार्यलयभन्दा बाहिर मंहगोमा टाँस्ने गरको समेत आरोप उनले लगाएका छन् । अवैध रकम असुल्न मातहतका कर्मचारीलाई सो विभागका निर्देशकले गोप्य निर्देशन दिएको विभाग स्रोतले भनाई रहेको छ ।
घुष असुल्नकै लागि एक वर्ष अघिदेखि वैदेशिक रोजगार विभागमा सरुवा हुन खोजेका शिक्षा मन्त्रालय अन्तर्गत कानुन शाखामा कार्यरत बद्रीबहादुर कार्कीलाई कर्मचारी नियमावली विपरीत वैदेशिक रोजगार विभागको निर्देशकमा सरुवा गरिएको छ । भने जिल्ला प्रशासन कार्यालय काठमाडौंबाट कमलराज भण्डारी र यातायात व्यवस्था कार्यालय एकान्तकुना लाईसेन्स शाखाका बाबुलाल रेग्मीलाई राजनीतिक र प्रशासनिक शक्तिका आडमा विभागको अन्तिम स्वीकृति शाखामा पदस्थापन गरिएको छ । शाखा अधिकृत रेग्मी र भण्डारी भर्खर मात्रै आएका निर्देशक हुन । एमाले निकट मानिने कार्की निर्वाचनमा खटिएका बखत समेत विभागमा आफ्नो भाग खोजेको विभाग स्रोतको भनाई छ । उनी संविधान सभानिर्वाचन २०७० मा खटिएका थिए ।

विभागमा नवनियुक्त महानिर्देशक रबिन्द्रमोहन भट्टराई विदेश भ्रमणमा रहेकाले निमित्त महानिर्देशक कमलराज भण्डारी र बद्रीबहादुर कार्कीको सो अबैध रुपमा स्टिकर टाँसी रकम असुली गरेको आरोप कर्मचारीेलेनै लगाएका छन् । शक्ति केन्द्रलाई रकमको बुझाएर विभाग आएका दर्जनौं राष्ट्र सेवक कर्मचारीहरुले मानव तस्करीलाई संस्थागत गर्दै किस्ता बुझाउने गरेको समेत बुझिन आएको छ । ती कर्मचारीले अफिस समयमा विभिन्न बहाना बनाई सेवा दिनमा ढिलासुस्ती गर्नै तर, रातपरेपछि म्यानपावर व्यवसायीका फाइलका अनुसार स्टिकर टाँस्ने गरेका कारण विभागमा अन्तिम श्रमस्किृती लिनआउनेहरुको लामो लाईन लाग्ने गरेको छ । शुक्रबार बरिष्ठ प्रहरी उपरीक्षक (एसएसपी) को कमाण्डमा दुई दर्जन सादा पोशाकमा प्रहरी कर्मचारी विभागमा खटिए पनि घुषको कारोवार चेक र गोप्य ठाउँमा हुने र प्रत्येक स्टिकर गनेर अवैध रकम असुल्न निर्देशकद्वय भण्डारी, कार्की र शाखा अधिकृत रेग्मीले निर्देशन दिएका कारण तल्लो दर्जाका कर्मचारीलाई अप्ठेरो परेको स्रोतले दाबी रहेको छ ।
व्वयवसायी प्रतिनिधिहरु दिनहुँ विभागको अन्तिम स्वीकृति शाखाका भ्mयालमा खचाखच उभिइरहँदा निर्देशन दिने र कामगर्ने कर्मचारीभने सो स्थानमा नहुने भएकाले सेवाग्राहीहरुको लाईन मुख्य सडकसम्म पुग्ने गरेको छ । गत आईतबार र सोमबार दर्जनौं व्यक्तिगत र संस्थागत श्रम स्वीकृति लिएर वैदेशिक रोजगारीमा हिंडेका सर्वसाधारणलाई अध्यागमन विभागले कागजात नमिलेको भन्दै फर्काइ दिएपछि व्यवसायी, वैदेशिक रोजगार विभागकातर्फबाट कमलराज भण्डारी र अध्यागमन विभागका महानिर्देशक शरदचन्द्र पौडेल बिच अनलाईनमा देखिएका भिजालाई मान्यतादिने औपचारिक सहमती भएपछि वैदेशिक रोजगार विभागमा संस्थागत घुषखोरी सुरु भएको हो । संयुक्त अरब ईमिरेट्स (यू.ए.ई) लाई ट्रान्जिट प्वाईन्ट बनाएर ३० वर्ष मुनीका महिला र सरकारद्वारा प्रतिबन्धित मुलुकमा भिजिट भिजा लगायत कम्पनीको भिजामा जानेहरुलाई खुल्ला भएपनि त्यसलाई आधार बनाएर मानव तस्करी बढ्ने सम्भावना रहेको विभाग स्रोतले जानकारी दिएको छ ।
त्यसैगरी, गतसाता भिजाको मिति समाप्त भएकी एक महिलाकामदारलाई ८० हजार रुपैयाँ घुष लिएर मानव तस्करले श्रम स्वीकृति नलिई अध्यागमन पार गराउन सफलभएका छन् । दैनिक यसरी वैदेशिक रोजगार विभागदेखि अध्यागमन सम्म सेटिङ हुने भएकाले रकम नबुझाउने सेवाग्राही भने विभिन्न समस्यामा फसाई काम समेत नगरिदिने गरेको गुनासो बढेको छ ।