चौधरी ग्रुपलाई समाचार लेखेकै आधारमा पत्रकालाई धम्की नदिन पत्रकार महासंघको चेताबनी (पत्र सहित)

क्राइम व्यूरो प्रमुख काठमाडौं । नेपाल पत्रकार महासंघले समाचार लेखेकै भरमा कोही पनि पत्रकारलाई धम्की नदिन चौधरी ग्रुपलाई चेताबनी दिएको छ । आईतबार महासंघले प्रेस विज्ञप्ति जारी गर्दै चौधरी ग्रुपले नेपाल सरकारलाई बुझाउनु पर्ने कर, नक्कली भ्याटबीलका बारेमा तीब्रखबर डटकममा आएको समाचालाई लिई फोनमार्फत हत्या समेत गर्न पछि नपर्ने भन्दै धम्की दिएकोमा गम्भीर ध्यानाकर्षण भएको समेत जनाएको छ । महासंघका महासचिब रमेश विष्टद्वारा हस्ताक्षरित विज्ञप्तिमा लेखिएको छ,काठमाडौंबाट सञ्चालित तीब्रखवर डटकम अनलाइनमा चौधरी ग्रुपको विषयमा प्रकाशित समाचारलाई लिएर विभिन्न टेलिफोन नम्बरबाट समाचार नलेख्न धम्क्याएको घटनाप्रति नेपाल पत्रकार महासंघको गम्भीर ध्यानाकर्षण भएको छ ।

सो अनलाइनका कार्यकारी सम्पादकका रोशन कार्कीका अनुसार चौधरी ग्रुपले नेपाल सरकारलाई बुझाउनु पर्ने कर, नक्कली भ्याट विलका सम्बन्धमा समाचार प्रकाशित भएपछि टेलिफोनबाट ‘चौधरी ग्रुपले कर नतिर्दा तेरो के जान्छ, तुरुन्त चौधरी ग्रुपको विरुद्ध समाचार लेख्न बन्द गर नत्र भौतिक कारबाही गर्न पछि नपर्ने’ भनी धम्की आएको थियो । प्रेस तथा अभिव्यक्ति स्वतन्त्रतालाई सम्मान गर्न र घटनाको छानबिन गरी दोषीलाई कारबाही गर्न महासंघ सम्बन्धित निकायसँग माग गर्दछ ।’ विश्वभर कम्पनी खोल्दै व्यापार गर्दै आएको चौधरी ग्रुपले सो समुहले कर नतिरेको समाचार प्रकाशन भएपछि समाचार लेख्नेलाई धम्की दिन मान्छेनै खटाएको खुलेको छ । विश्वको धनीको सूचीमा नाम भएका चौधरी समुहका अध्यक्ष बिनोद चौधरीले आफु विरुद्ध समाचार लेख्नेलाई कारबाही गर्न समिट होटलमा रात्रीभोजकै आयोजना गरेर समाचार लेख्नेमाथी के कस्तो कारबाही गर्ने भन्ने उपाय खोजेदेखि पटकपटक ल्याण्डनम्बरबाट समाचार नलेख्न धम्की दिनै आएको र समाचार लेखेमा जे पनि हुन सक्ने भन्दै धम्की दिने कार्यमा तीब्रता आएपछि सुरक्षाकालागि नेपाल पत्रकार महासंघ केन्द्रीय कार्यालयमा र्औपचारीक रुपमा निबेदन दर्ता गराएको थियो । नेपाल पत्रकार महासंघ जिल्ला शाखा सिन्धुपाल्चोकका अध्यक्ष महेश श्रेष्ठ र उपाध्यक्ष ज्ञानेन्द्र तिमलसेनकै रोहबरमा सुरक्षाको माग राख्दै तीब्रखबर डटकमले लिखित उजुरी दर्ता गराएका थियो । तीब्रखबरर डटकमले चौधरी समुहले कर नबुझाएको बारे समाचार प्रकाशन गर्दै आएको छ । देशलाई बुझाउनु पर्ने कर छली गरेर अहिले उनी शक्ति केन्द्रको शरणमा पुगेका छन् । संविधान सभाको निर्वाचनबाट एमालेको कोटामा समानुपातिक सभासद बनेका चौधरीले तत्कालिन अर्थमन्त्री भरतमोहन अधिकारीलाई आफ्नो नियन्त्रणमा पारी अबैध रुपमा कमाएको रकमलाई विदेश लैजान सफल चौधरी अहिले सो दल छोडी एकाएक नेपाली काँग्रेसमा प्रबेश गरेसंगै उनको असली चरित्र बाहिरएको छ । धम्की दिनेक्रममा तीब्रबता आएपछि चौधरीलाई पटकपटक सम्र्पक गर्दा उनी सम्र्पकमा आउन चाहेनन । उनकै होटल ‘समिट होटल’ मा विना कारण रात्रीभोजको आयोजना गरेर आफ्नोबारेमा बोलीदिन र लेखिदिन समेत आग्रह गरेको भोजमा सहभागी एक सदस्यले बताएका छन् । सो होटलमा राखिएको कक्टेल पाटीमा पत्रकार, दलका केही नेता र चौधरीका केही कर्मचारीहरुको सहभागीता रहेको थियो । स्मरण रहोस चौधरी समुहले स्थापना काललदेखि कर छली गरेको भन्ने समाचार तीब्रखबर डटकमले निरन्तर प्रकाशन गर्दै आएको छ । सो पाटीमा आमन्त्रण गरिएका अधिकाशंलाई एक्लाएक्लै भेट गरि आफ्नो बिरुद्धमा बोल्ने र लेख्नेलाई के कसरी ठिक पार्ने भन्दै समधानको उपाय समेत खोजेको थाहा हुन आएको छ । सो पाटीमा सहभागी अधिकाशं पत्रकारहरुले कहाँ के कस्ले के लेख्छ भन्नेमा चासो नदिन र प्रतिकृया समेत नदिन सुझाब दिएका थिए । जस्ले जहाँ जे लेखेपनि त्यसको कुनै प्रभाब नरहेको हामी राष्ट्रिय मिडियामा भएकाले नडराउन समेत सुझाब दिएको स्रोतको दाबी रहेको छ । जव चौधरीलाई संकट आइपर्छ तब उनले यसरीनै रात्रीभोजको आयोजना गरि आफ्ना समर्थनमा बोल्न र लेख्न आग्रह गर्ने गरेका छन् । नक्कली मुल्यअभिबृद्धि कर (भ्याट) का बारेमा छानविन हुदाँ पनि उनले रात्रीभोज र दशैतिहारमा उपहार समेत उपलव्ध गराएका थिए । उनले आफ्नो विरुद्धमा लेखिएका सवै समाचार रोक्न र समर्थनकोमात्र समाचार लेख छापिदिन समेत आग्रह गरेका थिए । भने विभागका कर्मचारीलाई आफुले मिलाउने र सो कुरा कहि कतैबाट आएमा रोकिदिन आग्रह गरेको स्रोतको दाबी छ । चौधरीले सार्वजनिक सभामा दिएको भाषणको सामाजिक सञ्जाल र मिडिया व्यापक आलोचना हुदै आएको छ । सायद चौधरीले अहिलेसम्म यति चर्को आलोचना व्यहोर्नु परेको थिएन । चौधरी सबैभन्दा बढि अवैध धन्दा गर्ने र कर छली गर्ने व्यक्ति हुन । सरकारले उनीमाथि कुनै कोणबाट छलफल थाल्यो भने चौधरी हरेक कोणबाट फस्ने निश्चित छ । लहरो तान्दा पहरो गर्जयो भने उनले स्वर्गिय बिरेन्द्रको सम्पत्ति हत्याएको र सो सम्पत्तीको समेत खोजी हुने स्रोतको दाबी रहेको छ ।

चौधरी ग्रुपको वाईवाई चाउचाउ गुणस्तहिन : खाद्य ऐन विपरित रहेको ठहर गर्दै मुद्दा दायर

रोशन कार्की काठमाडौं । गुणस्तहिन तेल र कम तौलमा चाउचाउ उत्पादन गरी उपभोक्ताको स्वास्थ्यमा प्रत्यक्ष खेलवाड गरेकोभन्दै चौधरी ग्रुपलाई मुद्दा दायर गरेको भएपनि अहिले सम्म सो मुद्दाको बारेमा कहि कतै कारबाही गरेको छैन । भने बजारमा गुणस्तहिन चाउचाउ बिक्री वितरण भई रहेको छ । प्राप्त समाचारका अनुसार वाईवाई क्विक्स चाउचाउ गुणस्तरहीन तेलमा तारेको मुद्दामा उपस्थित हुन चौधरी ग्रुपको सिजी फुड्सलाई जिल्ला प्रशासन (सिडिओ ) कार्यालय ललितपुरले पटक पटक काटेको (म्याद) पत्र प्रहरीकै मितिमतोमा बेपत्ता बनाएर सो समुहलाई उन्मुक्ति समेत दिएको आरोप उपभोक्ताबादीहरुको दाबी रहेको छ । गत चैत २७ गते महानगरीय प्रहरी परिसर ललितपुरले सिजी फुड्सका नायब महाप्रवन्धक रेवन्त ढकाललाई ललितपुर सिडिओ कार्यालयले म्याद तामेलका लागि काटेको पत्र सानेपाको प्रहरी प्रभागमा पठाएको थियो । सानेपाको प्रहरी प्रभागमा भने उक्त पत्र दर्ता नै नगरि बिचबाटोबाटै बेपत्ता बनाएकाले चौधरी ग्रुपको ठगीधन्धमा प्रहरीसमेतको मिलिमतो भएको आरोप एक उच्च स्रोतको रहेको छ । सो परिसरमा पठाएको ४१२८ चलानी नम्बरको सो पत्र चैत र वैशाखकै फाइलमा समेत खोज्दा भेटिएको छैन । सो कार्यालयको एक प्रहरीले भने, ‘४१२८ नम्बरको पत्र त यहाँ इन्ट्री नै भएको छैन ।’ यसरी कारबाहीकालागि जिल्ला प्रशासन कार्यालयले पठाएको पत्र समेत चौधरी समुहकै अगाडी दर्तानै नगर च्यातेको हुनसक्ने आशंका स्रोतको रहेको छ । खाद्य प्रविधि तथा गुण नियन्त्रण विभागले वाइवाई क्विक्समा गुणस्तरहीन तेल प्रयोग भएको पाएपछि ललितपुर सिडिओ कार्यालयमा सिजी फुड्सबिरुद्ध गत चैत ६ गते मुद्दा दायर गरेको थियो । सिडिओ कार्यालयले चैत ७ गते सिजी फुड्सका नायब महाप्रबन्धक रेवन्त ढकाललाई उपस्थित हुन भन्दै पत्र काटेको थियो । उक्त पत्र सिडिओले परिसरमा पठायो भने परिसरले पहिले सैँबुको प्रहरी कार्यालयमा पठाएको थियो । सैँबुमा वाईवाई चाउचाउको कारखाना रहेको छ । सैँबुको प्रहरीले सिजी फुड्सका नायब महाप्रबन्धक ढकाल सानेपा कार्यालयमा भएकाले म्याद तामेल हुन नसकेको भनेपछि ललितपुर परिसरले सानेपा प्रहरीलाई पत्र पठाएको थियो ।

त्यो पत्र अहिलेसम्म सिजी (चौधरी ग्रुप) फुड्सको कार्यालय नपुगी बिचबाटै बेपत्ता बनाउन चौधरी समुहले ठूलै रकम खर्च गरेको अनुमान समेत स्रोतको रहेको छ । खाद्य प्रविधि तथा गुण नियन्त्रण विभागले चौधरी ग्रुपले गुणस्तरहीन तेल प्रयोग गरेर वाईवाई क्विक्स चाउचाउ उत्पादन गरेको दाबी गरेको छ । २०६८ मंसिर २३ गते खाद्य निरीक्षक रुपेन्द्र रावलसहितको टोलीले वाईवाई कारखाना निरीक्षण गरेको थियो । सोही निरीक्षणका क्रममा एउटै तेलमा पटकपटक चाउचाउ तारेको भेटेपछि टोलीले गुणस्तर जाँचका लागि नमूना लिएर आएको थियो । उक्त नमूना जाँच्न ल्याबमा पठाएको करिब डेढ महिनामै त्यसको रिपोर्ट आएको थियो– वाईवाई क्विक्समा प्रयोग हुने तेल गुणस्तरहीन छ । एउटै तेलमा पटकपटक चाउचाउ तारेको र यसरी तेल प्रयोग गर्दा गुणस्तर खस्किएको विभागको रिपोर्ट आयो। यसरी प्रयोग हुने तेलमा एसिडको मात्रा बढी हुन्छ जसले मानिसको स्वास्थ्यमा नराम्रो असर गर्छ । २०६८ माघ १ गते यस्तो रिपोर्ट आएपछि विभागले सिजी फुड्सलाई बयानका लागि बोलायो। सोही वर्षको फागुनमा बयानका लागि नायब महाप्रबन्धक ढकाल विभाग गएको भएपनि कस्तो बयान दिए भन्ने बारे विभाले अहिले सम्म कुनै सार्वजनिक गर्न चाहेको छैन । रिपोर्ट र बयानपछि विभागले सरकारी वकिलको कार्यालय ललितपुरसँग राय मागेको थियो । विभागले मुद्दा दायर गर्न मागेको राय दिन सरकारी वकिलको कार्यालयले झण्डै ९ महिना लगाएर मुद्दालाई फितलो बनाउने कार्य समेत भएको आरोप लागेको छ । २०६९ वैशाखमा विभागले रायका लागि पठाएको पत्रको जवाफमा सरकारी वकिलको कार्यालय ललितपुरले पुस २५ गते राय पठायो। सोही रायका आधारमा चैत ६ गते विभागले ललितपुर सिडिओ कार्यालयमा सिजी फुड्सबिरुद्ध मुद्दा दायर गरेको थियो । चौधरी ग्रुपको सिजी फुड्सले तयारी चाउचाउको मापदण्ड विपरीत चाउचाउ उत्पादन गरेकाले खाद्य ऐन २०२३ को दफा ५ को उपदफा १ अनुसारको कसुर गरेको ठहर गर्र्दै विभागले मुद्दा दायर गरेको थियो । सोही मुद्दामा सिडिओ कार्यालय ललितपुरले सिजी फुड्सका नायब महाप्रबन्धकलाई उपस्थित हुन बोलाएको पत्र ५ महिनादेखि बेपत्ता छ, त्यसको अत्तोपत्तो प्रहरीलाई छैन ।

इन्टरनेशनल कन्स्ट्रक्सनको ‘हेभी इक्विपमेन्ट’ बिक्रीमा लगाएको रोक केही समयमै छुट्यो

रोशन कार्की काठमाडौं। विगत छ वर्षदेखि कोरियामा उत्पादन भएको एक्स्काभेटर नेपाल ल्याई बिक्रीवितरण गर्दै आएको इन्टरनेशनल कन्स्ट्रक्सन प्रालिलाई अर्को सूचना नआउन्जेलसम्म हेभी इक्विपमेन्टको बिक्रीवितरणमा लगाइएको रोकका बाबजुद केही समयमै दुईवटा गाडी छुटेका छन् । सरकारी कर्मचारीलाई झुक्याई विना कर सामान आयात गर्दै आएको सो कम्पनीलाई राजस्व अनुसन्धान कार्यालय पथलैयाले तत्कालको समयमा कुनै पनि सामान आयात र बिक्रीवितरण नगर्र्न/नगराउन निर्देशन दिएर रोक लगाएको भए पनि नियन्त्रणमा लिइएको गाडी छुटाइएको हो ।

मूल्यअभिवृद्धि कर (भ्याट) छली गरी साना इक्विपमेन्ट भन्दै वर्षौँदेखि करजन्य सामानको आयात गर्दै आएको अनुसन्धानमा भेटिएपछि पूर्णरुपमा अनुसन्धान सम्पन्न नभएसम्म विशेषगरी ‘डोसान एक्स्काभेटर’को बिक्रीवितरण नगर्न निर्देशन दिएको थियो । सो कम्पनीले पछिल्लो समयमा ठूलो मात्रामा ‘ब्रेकर’ ल्याएको राजस्व अनुसन्धान कार्यालय पथलैयाले विभिन्न शीर्षक उपशीर्षकहरुमा अनुसन्धान गरिरहेको थियो । उता, सो कम्पनीसँगको मिलेमतोमा राजस्व अनुसन्धान कार्यालय पथलैयाले नियन्त्रणमा रहेका गाडी छोडेको आरोप समेत लागेको छ । कुनै पनि आयातनिर्यात गर्दा शंका लागि नियन्त्रणमा लिएका कुनै पनि सामान कर बुझाउँदैमा छोड्न नमिल्ने अर्थ मन्त्रालयका एक अधिकारीको भनाइ रहेको छ । नाम नलेख्ने शर्तमा ती अधिकारीले भने, ‘भन्सार या राजस्व अनुसन्धान कार्यालयले नियन्त्रणमा लिएका कुनै पनि सामान या गाडीलाई विना अनुसन्धान छोड्न मिल्दैन, नियन्त्रणमा लिएपछि सो गाडीको खास मूल्य कति हो, कतिमा ल्यायो र कति करछली ग¥यो भन्नेबारे निर्णायक अनुसन्धान पूरा नगरी कर बुझाउँदैमा छोड्नुमा केही कैफियत हुनसक्छ ।’ आर्थिक दैनिकमा भ्याटछली गरी सो कम्पनीले ‘ब्रेकर’ आयात गरेको समाचार प्रकाशन गरेलगत्तै अनुसन्धान सुरु गरेको थियो । राजस्वको सो प्रारम्भिक अनुसन्धानबाट इन्टरनेशनल कन्स्ट्रक्सनले भ्याटछली गर्दै ‘ब्रेकर’ आयात गरेको भेटिएपछि थप अनुसन्धान गर्नका लागि तत्काल बिक्रीवितरणमा समेत रोक लगाएको राजस्व अनुसन्धान कार्यालय पथलैयाले जनाएको छ । सो कम्पनीले लुकाइछिपाइ नेपाल भित्र्याएको ब्रेकरको मात्रै एकपटक आयात गर्दा न्यूनतम २२ लाख ५७ हजार रुपैयाँभन्दा बढीको भ्याटछली गरेको प्रारम्भिक अनुसन्धानबाट भेटिएपछि राजस्वले आयातमा रोक लगाएको हो । सरकारले एक्स्काभेटर आयातमा भ्याटछुट दिएको छ भने अन्य पार्टपुर्जाको आयातमा १३ प्रतिशत भ्याट लगाएको छ । निमार्ण क्षेत्रलाई सरकारले दिएको सुविधाको फाइदा उठाउँदै अवैध सामान नेपाल भित्र्याउनथालेपछि राजस्व अनुसन्धान कार्यालय पथलैयाले वीरगञ्ज नाकाबाट आयात हुँदै आएका टाटा मोटर्स प्रालि, सुजुकी, सिप्रदी र इन्टरनेशनल कन्स्ट्रक्सनले आयात गरेको हेभी इक्विपमेन्टहरु नियन्त्रणमा लिई अनुसन्धान गरिएको जनाएको छ । काठमाडौंको स्वयम्भूमा रहेको इन्टरनेशनल कन्स्ट्रक्सन प्रालिले विगत वर्षदेखि नै लुकाइछिपाइ गरी ‘ब्रेकर’ आयात गर्दै आएको भए पनि गत वर्षदेखि ‘ब्रेकर’को आयातमा दुई गुणाले बढाएको स्रोतको दाबी रहेको छ । सो कम्पनीले ‘डोसान एक्स्काभेटर’सँगै दुई हजार किलोभन्दा बढीको ‘ब्रेकर’ ल्याउँदै आएको छ । कम्पनीले ‘ब्रेकर’मा लाग्ने १३ प्रतिशतका साथै आयकर, राजस्व समेत ठूलो परिमाणमा छली गरेको ठहर राजस्व कार्यालयको रहेको छ । कुन—कुनमा कति करछली भए/नभएको बारे पनि अनुसन्धान गरिरहेको ठूला करदाताको कार्यालयले जाएको छ । के कति कहाँ कहिले करछली गरेको छ ? कति परिमाणमा ‘ब्रेकर’को भ्याटछली भएको छ भन्नेबारे अनुसन्धान नसकिएसम्म केही भन्न नसकिने समेत सो कार्यालयले जनाएको छ । सो कार्यालयका प्रमुख दिव्य पोखरेलले अहिलेसम्म १३ वटा गाडी नियन्त्रणमा रहेको र नियन्त्रणमा रहेकामध्ये सरकारलाई बुझाउनुपर्ने कर बुझाएपछि छोडिएको बताए । उनले भने, ‘आयात हुँदै गरेको गाडी नियन्त्रणमा लिएका थियौँ, त्यसमध्ये मंगलबार दुईवटाको कर सो कम्पनीले बुझाएपछि छुटेको छन्, करछली गरेर छुटिसकेको बारेमा थप अनुसन्धान भइरहेकाले प्रतिवेदन आएपछि मात्र भन्नसकिने छ, सम्बन्धित कर बुझाएपछि गाडी छुटेका हुन् ।’ इन्टरनेशनल कन्स्ट्रक्सनका प्रमुख पियूष जाजोदियाले भने सरकार नियमअनुसार कर बुझाएको जिकिर गर्दै आएको छ भने थप विवरणबारे पटक–पटक फोन र म्यासेजबाट सोध्दा समेत केही पनि उत्तर भने दिन चाहेनन् । सो कम्पनीले अवैध रुपमा भित्र्याएको ब्रेकर समेत कम गुणस्तरको भएको स्रोतको दाबी रहेको छ । भ्याटछली गर्दै ल्याएको सो ब्रेकरलाई नेपाली बजारमा भने आफ्नै मूल्यमा बिक्री हुँदै आएको छ । डोसान ब्रान्डका ‘एक्स्काभेटर’ र ‘लोडर’ कम्पनीहरुको रोजाइमा पर्ने हेभी इक्विपमेन्टमा पर्ने गरेको थियो । हाल विशेष गरी कन्स्ट्रन्क्सन क्षेत्रमा डोसान र बुलका हेभी इक्विपमेन्टहरु प्रयोग हुँदै आएको छ । अधिकांश हेभी इक्विपमेन्टहरु भारतमा निर्माण हुने गरेको छ । तर, डोसान एक्स्काभेटर भने कोरियन ब्रान्ड हो ।

इन्टरनेशनल कन्स्ट्रक्सन नेपालमा डोसान र बुल ब्रान्डका हेभी इक्विपमेन्टको बिक्री वितरणको आधिकारिक वितरकको रुपमा काम गर्दै आएको कम्पनी हो । सो कम्पनीले बुटवल, धनगढी, नेपालगञ्ज, नारायणगढ र इटहरीबाट एक्स्काभेटरको बिक्री गर्दै आएको छ ।

चौधरी ग्रुपले खटायो समाचार लेख्नेलाई धम्की दिन व्यक्ति : सुरक्षाकालागि पत्रकार महासंघमा उजुरी (पत्र सहित)

क्राइम व्यूरो प्रमुख काठमाडौं । विश्वभर कम्पनी खोल्दै व्यापार गर्दै आएको चौधरी ग्रुपले सो समुहले कर नतिरेको समाचार प्रकाशन भएपछि समाचार लेख्नेलाई धम्की दिन मान्छेनै खटाएको छ । विश्वको धनीको सूचीमा नाम भएका चौधरी समुहका अध्यक्ष बिनोद चौधरीले आफु विरुद्ध समाचार लेख्नेलाई कारबाही गर्न समिट होटलमा रात्रीभोजकै आयोजना गरेर समाचार लेख्नेमाथी के कस्तो कारबाही गर्ने भन्ने उपाय खोजेदेखि पटकपटक ल्याण्डनम्बरबाट समाचार नलेख्न धम्की दिनै आएको र समाचार लेखेमा जे पनि हुन सक्ने भन्दै धम्की दिने कार्यमा तीब्रता आएपछि सुरक्षाकालागि नेपाल पत्रकार महासंघ केन्द्रीय कार्यालयमा र्औपचारीक रुपमा निबेदन दर्ता गराएको छ ।

नेपाल पत्रकार महासंघ जिल्ला शाखा सिन्धुपाल्चोकका अध्यक्ष महेश श्रेष्ठ र उपाध्यक्ष ज्ञानेन्द्र तिमलसेनकै रोहबरमा सुरक्षाको माग राख्दै तीब्रखबर डटकमका कार्यकारी सम्पादक रोशन कार्की (कुल) ले लिखित उजुरी दर्ता गराएका छन् । उजुरी पत्र दर्ता गराएपछि महासंघमा महासचिब रमेश बिष्टले यस्तो हर्कत जो कसैले गरेपनि महासंघले सम्बन्धित निकाय (प्रशासन) संग सुरक्षाको लागि पहल गर्ने र धम्की दिने र दिन लगाउनेमाथी महासंघले छानविन गरि कारबाही गर्ने समेत बताएका छन् । तीब्रखबरर डटकमले चौधरी समुहले कर नबुझाएको बारे समाचार प्रकाशन गर्दै आएको छ । देशलाई बुझाउनु पर्ने कर छली गरेर अहिले उनी शक्ति केन्द्रको शरणमा पुगेका छन् । संविधान सभाको निर्वाचनबाट एमालेको कोटामा समानुपातिक सभासद बनेका चौधरीले तत्कालिन अर्थमन्त्री भरतमोहन अधिकारीलाई आफ्नो नियन्त्रणमा पारी अबैध रुपमा कमाएको रकमलाई विदेश लैजान सफल चौधरी अहिले सो दल छोडी एकाएक नेपाली काँग्रेसमा प्रबेश गरेसंगै उनको असली चरित्र बाहिरएको छ । धम्की दिनेक्रममा तीब्रबता आएपछि चौधरीलाई पटकपटक सम्र्पक गर्दा उनी सम्र्पकमा आउन चाहेनन । उनकै होटल ‘समिट होटल’ मा विना कारण रात्रीभोजको आयोजना गरेर आफ्नोबारेमा बोलीदिन र लेखिदिन समेत आग्रह गरेको भोजमा सहभागी एक सदस्यले बताएका छन् । सो होटलमा राखिएको कक्टेल पाटीमा पत्रकार, दलका केही नेता र चौधरीका केही कर्मचारीहरुको सहभागीता रहेको थियो । स्मरण रहोस चौधरी समुहले स्थापना काललदेखि कर छली गरेको भन्ने समाचार तीब्रखबर डटकमले निरन्तर प्रकाशन गर्दै आएको छ । सो पाटीमा आमन्त्रण गरिएका अधिकाशंलाई एक्लाएक्लै भेट गरि आफ्नो बिरुद्धमा बोल्ने र लेख्नेलाई के कसरी ठिक पार्ने भन्दै समधानको उपाय समेत खोजेको थाहा हुन आएको छ । सो पाटीमा सहभागी अधिकाशं पत्रकारहरुले कहाँ के कस्ले के लेख्छ भन्नेमा चासो नदिन र प्रतिकृया समेत नदिन सुझाब दिएका थिए । जस्ले जहाँ जे लेखेपनि त्यसको कुनै प्रभाब नरहेको हामी राष्ट्रिय मिडियामा भएकाले नडराउन समेत सुझाब दिएको स्रोतको दाबी रहेको छ । जव चौधरीलाई संकट आइपर्छ तब उनले यसरीनै रात्रीभोजको आयोजना गरि आफ्ना समर्थनमा बोल्न र लेख्न आग्रह गर्ने गरेका छन् । नक्कली मुल्यअभिबृद्धि कर (भ्याट) का बारेमा छानविन हुदाँ पनि उनले रात्रीभोज र दशैतिहारमा उपहार समेत उपलव्ध गराएका थिए । उनले आफ्नो विरुद्धमा लेखिएका सवै समाचार रोक्न र समर्थनकोमात्र समाचार लेख छापिदिन समेत आग्रह गरेका थिए । भने विभागका कर्मचारीलाई आफुले मिलाउने र सो कुरा कहि कतैबाट आएमा रोकिदिन आग्रह गरेको स्रोतको दाबी छ । चौधरीले सार्वजनिक सभामा दिएको भाषणको सामाजिक सञ्जाल र मिडिया व्यापक आलोचना हुदै आएको छ । सायद चौधरीले अहिलेसम्म यति चर्को आलोचना व्यहोर्नु परेको थिएन । चौधरी सबैभन्दा बढि अवैध धन्दा गर्ने र कर छली गर्ने व्यक्ति हुन । सरकारले उनीमाथि कुनै कोणबाट छलफल थाल्यो भने चौधरी हरेक कोणबाट फस्ने निश्चित छ । लहरो तान्दा पहरो गर्जयो भने उनले स्वर्गिय बिरेन्द्रको सम्पत्ति हत्याएको र सो सम्पत्तीको समेत खोजी हुने स्रोतको दाबी रहेको छ ।

कर तिरेको कागजात पत्रकारलाई देखाउन मिल्दैन : इन्टरनेशनल कन्स्ट्रक्सन

रोशन कार्की काठमाडौं । लामो समयदेखि सरकारी कर्मचारीलाई समेत झुक्याई विना कर सामान आयात गर्दै आएको कम्पनी इन्टरनेशनल कन्स्ट्रक्सनले सरकारलाई बुझाएको करको विवरण पत्रकारलाई देखाउन नमिल्ने बताएको छ । सो कम्प्नीले मूल्य अभिवृद्धि कर (भ्याट) छली गरि साना इक्विपमेन्ट भन्दै वर्षौँदेखि करजन्य सामानको आयात गर्दै आएको बारेमा समाचार प्रकाशन भएपछि कम्पनीका प्रमुख पियुष जाजोदियाले सो प्रतिकृया दिएका हुन । सो कम्पनीले पछिल्लो समयमा ठूलो मात्रामा ‘ब्रेकर’ ल्याएको राजस्व अनुसन्धान कार्यालय पथलैयाले भेटेपछि तत्काल सो कम्पनीबाट आयात गर्दै आएको ‘डोसान एक्स्काभेटर’ को आयात र बिक्रीमै रोक लगाएर छानविन गरि रहेको छ । सो कम्पनीले लुकाएर नेपाल भित्राएको ब्रेकरको मात्रै एकपटक आयात गर्दा न्यूनतम २२ लाख ५७ हजार रुपैयाँभन्दा बढीको भ्याटछली गरेको प्रारम्भिक अनुसन्धानबाट भेटिएपछि राजस्वले आयातमा रोक लगाएको हो । सरकारले एक्स्काभेटर आयातमा भ्याटछुट दिएको छ भने अन्य पार्टपुर्जाको आयातमा १३ प्रतिशत भ्याट लगाएको छ । निर्माण क्षेत्रलाई सरकारले दिएको सुविधाको फाइदा उठाउँदै अवैध सामान नेपाल भित्राउन थालेपछि राजस्व अनुसन्धान कार्यालय पथलैयाले वीरगञ्ज नाकाबाट आयात हुँदै आएका टाटा मोटर्स प्रालि, सुजुकी, सिप्रदी र इन्टरनेशनल कन्ट्रक्सनले आयात गरेको हेभी इक्विपमेन्टहरु नियन्त्रणमा लिई अनुसन्धान गरिएको जनाएको छ ।

विगत ६ वर्षदेखि इन्टरनेशनल कन्स्ट्रक्सन प्रालि स्वयम्भू काठमाडौंमा रहेको सो कम्पनीले लुकाईछिपाई ‘ब्रेकर’ आयात गदै आएको हो । सो कम्पनीले ‘डोसान एक्स्काभेटर’ सँगै दुई हजार किलोभन्दा बढीको ब्रेकर ल्याएको हो । राजस्व अनुसन्धान पथलैयाका प्रमुख दिव्या पोखरेलका अनुसार सूचना पाउनासाथ सम्बन्धित क्षेत्रमा कर्मचारी खटाई अनुसन्धान सुरु गरिएको छ भने अनुसन्धानको प्रतिवेदनमा उल्लेख भएअनुसार अवैध सामानको कारोबार गर्ने कम्पनीमाथि कारबाही हुन्छ । अहिले अनुसन्धानकै क्रममा रहेकाले थप केही भन्न नसकिने समेत उनको भनाइ छ । इन्टरनेशनल कन्स्ट्रक्सनका प्रमुख जाजोदियाले सरकारकै नियमअनुसार भन्सार बुझाएर ल्याएको प्रतिक्रिया दिए । उनले एक्स्काभेटरसँगै ल्याउन मिल्ने सानासाना पार्टपुर्जा ल्याएको बताउँदै ब्रेकरलाई कर नलाग्ने दाबी समेत गरे । उनले भने, ‘हाम्रो कारोबारको विवरण पत्र यहाँहरुलाई देखाउन मिल्दैन, यहाँले लेख्नुभयो, विना रकम मेरो कम्पनीको विज्ञापन भएकोमा म खुसी छु ।’ सो कम्पनीले अवैधरुपमा भित्र्याएको ब्रेकर समेत कम गुणस्तरहीन भएको समेत स्रोतको दाबी रहेको छ । भ्याटछली गर्दै ल्याएको सो ब्रेकरलाई नेपाली बजारमा भने आफ्नै मूल्यमा बिक्री हुँदै आएको छ । सो कम्पनीले आयात गरेको ब्रेकर अधिकांश गुणस्तरहीन समेत रहेको स्रोतको दाबी रहेको छ । यस्तै भ्याटछली गरी ल्याएको सो ब्रेकरको मूल्य समेत आफूखुसी निर्धारण गरिँदै आएको आरोप लागेको छ । विगत छ वर्षदेखि डोसान ब्रान्डका एक्स्काभेटर र लोडर नेपाल आयात हुँदै आएको छ । हाल विशेष गरी कन्स्ट्रन्क्सन क्षेत्रमा डोसान र बुलका हेभी इक्विपमेन्टहरु प्रयोग हुँदै आएको छ । अधिकांश हेभी इक्विपमेन्टहरु भारतमा निर्माण हुने गरेको छ । तर, डोसान एक्स्काभेटर भने कोरियन ब्रान्ड हो । पछिल्ला दिनमा निर्माणकार्यमा भएको वृद्धिसँगै विभिन्न हेभी इक्विपमेन्टहरुको आयातमा समेत वृद्धि भएको छ । हेभी इक्विपमेन्टको माग बढेसँगै सोही क्षेत्रमा प्रयोग हुने ब्रेकरको समेत माग बढी हुनथालेपछि कम्पनीले डोसान एक्स्काभेटरकै बाक्सामा ब्रेकर लुकाईछिपाई ल्याउने गरेको उच्च स्रोतको दाबी रहेको छ । इन्टरनेशनल कन्स्ट्रक्सनले नेपालमा बिक्री गर्ने डोसान र बुल ब्रान्डका हेभी इक्विपमेन्टको बिक्री वितरण गर्दै आएको छ । सो कम्पनीले बुटवल, धनगढी, नेपालगञ्ज, नारायणगढ र इटहरीबाट सो एक्स्काभेटर बिक्री गर्दै आएको छ । उनले छ वर्षदेखि कोरियामा उत्पादन भएको सो एक्स्काभेटर नेपाल ल्याई बिक्रीवितरण गरेदेखि नै सरकारी ढुकुटीमा बुझाउनुपर्ने आयकर र राजस्व समेत छली गर्दै आएको आरोप उनीमाथि लागेको छ । जाजोदियासँग पटक–पटक करछलीबारे प्रश्न गर्दा उनले एउटै उत्तर दिए, ‘हामीले सरकारी नीतिनियमअनुसार कर बुझाएका छौँ, तर सो कर बुझाएको विवरण भने पत्रकारलाई दिन नमिल्ने बताउँदै आएका छन ।’

यही हो हाम्रो देशको लोकतन्त्र !!!

रोशन कार्की

संस्कार बिनाको राजनीति गर्नु गुण्डागर्दी हो, छलकपट हो । त्यस्ता दल या समूहबाट जनताको हित हुन्छ भनेर पत्याउने हामी जनता महामुर्ख हौ । जतिजति राजनैतिक आवरणमा गलत हर्कतहरु हुन्छन्, त्यति त्यति जनतामा राजनीतिप्रति घृणा त हुन्छ तर निर्वाचनमा त्यही पृष्टभुमीका व्यक्तिलाईनै आफ्नो अमुल्यमत दिएर सोही कार्य गर्न लाईसेन्स दिने गरेका छौ । भखैरै सम्पन्न निर्वाचनबाट पनि सोही पुष्टी भएको छ । अनि सुझबुझ भएकाहरुले राजनीतिलाई सराप्छन् । तर देश बनाउने पनि राजनीतिले नै हो, देश बिगारेको पनि राजनीतिले नै हो । यसैले राजनीतिको नयाँ कथ्य र तथ्य चाहिएको छ । गत वर्ष चितवनमा अन्तिम समयमा आएर सत्ता र शक्तिको आडमा माओवादी केन्द्रका कार्यकर्ताले मतपत्र च्यात्दा त्यसको विरोध सर्वत्र भयो । माओवादीहरुमा अझै पनि युद्धको धङधङी छ भन्ने तर्कमा थप बल पुगेको थियो । तर एमालेले पनि हुलदंगाको राजनीति गर्नु हुँदैनथ्यो । राजनैतिक स्वार्थको लागि जोसंग पनि घाँटी जोड्ने, राज्यकोषको दोहन गरी खाने कुरामा एकगठ हुने, राष्ट्रिय स्वाभिमानका मुद्दाहरुमा जनतालाई गुमराहमा राखेर आफ्नो स्वार्थसिद्ध गर्ने, सांसद पदको किनबेच गर्ने, राजनैतिक आवरणमा भ्रष्टाचार गर्ने, न्यायपालिका र कार्यपालिकाबीच तनाव पैदा गर्ने, एउटा उद्देश्य प्राप्तिका लागि एउटासंग र अर्कोको लागि अर्कोसंग मौसमअनुसार घाँटी जोड्ने संस्कारको हामी प्रत्यक्षदर्शी बनेर हामी बसिरहेका छौँ । भखैरै भएको प्रतिनिधि सभा र प्रदेशसभाको निर्वाचनबाट एकाएक माननीय ‘डन’ को विजय यात्रा सुरु भयो हिमाली जिल्ला मनाडबाट । धनगढी हत्याकाण्डका फरार अभियुक्त रेशम चौधरीले प्रदेश ७ को संसद् यात्रा सुरु गरे । हिंसालाई सर्वोपरि ठान्नेहरूका निम्ति उनको विजय यात्रा गौरवको विषय बन्न पुगेको छ । तर, विधिको शासन हुनुपर्छ भन्नेका निम्ति उनको विजयमा खुसी हुन सकिँदैन । निश्चय नै यसपटकको निर्वाचन परिणाम आश्चर्यचकित तुल्याउने किसिमको आएका छन् । निर्वाचित व्यक्तिहरूको आपराधिक पृष्ठभूमि कहिन कहि जोडीएको छ, तर अहिले सम्म एकदुई जनाकोभन्दा अरुको सतहमा आएको छैन । अहिले चर्चाकै विषय बनेका ‘डन’ का रूपमा छवि बनाएका राजीव गुरुङ उर्फ दीपक मनाङेको मनाङमा प्रदेश सभाका लागि भएको विजयले पनि यस्तै आश्चर्यचकित तुल्याएको थियो । मुलुक संघीयतामा प्रवेश गरेका र विधिको शासन सञ्चालन होला भन्ने अपेक्षा विपरित भएका यस्ता विजय यात्राले लोकतन्त्रकै उपहास गरेको छ । त्यसमा पनि एक बालकसहित आठ प्रहरीको हत्या भएको मुद्दामा अदालतसमेत उपस्थित नभई फरार रहेका चौधरी माननीय बन्नुले कानुनको शासनको धज्जी उडाउने काम गरेकै हो । कानुनी छिद्र प्रयोग गरेर भोलि गम्भीर अपराधमा संलग्न भएका व्यक्तिसमेत निर्वाचनबाट विजय भएर आउने बाटो विस्तारै खुल्दै गएको छ । गएको संविधानसभाको निर्वाचनमा विजय भएर संसद पुगेका बबन शाहदेखि प्रत्यक्ष आपाराधिक कृयाकलापमा मुछिएका व्यक्तिहरुको संसद बन्ने लहर सुरु भएको हो भने अहिले त्यसमा बृद्धि हुदै गएको छ । कुनै बेला भारतमा दलहरूले गुण्डाहरूलाई निर्वाचनमा प्रयोग गर्ने गरेका थिए । कालान्तरमा तिनै गुण्डाले राजनीतिको आश्रय लिए र संसदमा निर्वाचितसमेत भए । हत्या, बलात्कार र अन्य गम्भीर आरोप लागेका सांसदको ठूलो संख्याबारे उल्लेख गर्दै त्यहाँका सञ्चारमाध्यमले तिनको विवरण सार्वजनिक गर्दा लाजमर्दो स्थिति पैदा भएको थियो । ठिक अहिले नेपालमा पनि सोही अबस्था आएको छ । नयाँ नेपालको परिकल्पना गर्दै जारी भएको संविधानअनुसारको पहिलो निर्वाचन चक्र पूरा नहुँदै देखिएको यस्तो विषम परिस्थिति आउनु आफैँंमा लोकतन्त्रको लज्जा हो । प्रहरीको खोजीमा रहेको व्यक्तिको उम्मेदवारी वारेसमार्फत् दर्ता हुन सक्ने अवस्था यसको पहिलो त्रुटि हो । उम्मेदवारी दर्ता भइहाले पनि त्यसविरुद्ध अन्य दलका उम्मेदवारले उजुरी दिन सक्ने व्यवस्था थियो । तर त्यसमा कसैको उजुरी परेन । उजुरी नपर्नुको कारण मिलेमतो हो वा कानुनी अज्ञानता हो भन्ने प्रश्न अहिले दलहरुमाथीनै लागेको छ ? चौधरीलाई स्थानीय मतदाताले जिताउँदैमा उनीमाथि लागेको अभियोगको सफाइ हुन सक्दैन । संविधानसभामा यसअघि यस्तै किसिमको घटना दोहोरिएको थियो । फरार अभियुक्त बबन सिंह निर्वाचित भइसकेपछि झुक्याएर सपथग्रहण गर्न सफल भएका थिए । अहिले रेशम चौधरीको सन्दर्भमा पनि यसैगरी झुक्याएर सपथ लिने÷दिने प्रपञ्च नहोला भन्न सकिन्न । एक, गम्भीर अभियोग लागेका व्यक्तिले उम्मेदवारी दिनै नपाउने व्यवस्था हुनुपर्छ । पक्राउ पुर्जी जारी भइसकेका फरार व्यक्तिको उम्मेदवारी दर्ता गर्ने व्यवस्था आफैंँमा त्रुटिपूर्ण छ । त्यस्ता व्यक्ति निर्वाचित भएकै आधारमा उनीप्रति अन्याय भएको अर्थ निकाल्न मिल्दैन । ती बालक र सुरक्षाकर्मी हत्याको अभियोगमा अदालतमा चलेको मुद्दामा पुर्पक्ष हुनु आवश्यक छ । अदालतबाट उनी निर्दोष सावित भए भने त्यसलाई मान्न सकिन्छ । जनताले जिताइसकेका हुनाले दलका नेतासँग सल्लाह गरेर उनीहरूले भनेअनुसार नै उनी अभियोगबाट मुक्त हुने अवस्था आउन सक्दैन । कानुनका दृष्टिमा सबै बराबर हुनुपर्छ । स्थानीय प्रहरी र प्रशासनले उनी आउनासाथ पक्राउ पर्ने बताउँदै आए पनि झुक्याएर सपथ ख्वाउने र पछि प्रदेश सभामुखको स्वीकृति नलिई कारबाही गर्न नपाउने उन्मुक्ति उनले पाउन सक्ने अवस्था आउन सक्छ । दलका नेताका अगाडि कानुन कार्यान्वयन गर्ने प्रहरी र स्थानीय प्रशासनले पनि आँखा चिम्लन सक्ने अवस्था आउन सक्छ । उनी निर्दोष भए पहिल्यै अदालतमा हाजिर भई मुद्दा टुंगोमा पु¥याई उम्मेदवार बन्ने बाटो खोल्नुपर्ने थियो । फरार चौधरीले प्रधानमन्त्रीका रूपमा माओवादी केन्द्र अध्यक्ष पुष्पकमल दाहालसँग भारतको औपचारिक भ्रमणका क्रममा भेटसमेत गरिसकेका छन् । त्यतिमात्र होइन, उनलाई सरकारले करोडभन्दा बढी रुपैयाँ क्षतिपूर्तिसमेत दिएको छ । यस आधारमा उनलाई जोगाउन सर्वदलीय सहमति हुन सक्छ । लोकतन्त्रको जग बसाउने बेलामा यस्ता नजीर कायम गर्दै जाने हो भने लोकतन्त्रको लाज जोगिने छैन । यसरी कतै आपाराधिक पृष्ठभुमीमा संलग्नहरु मननिय बने भने गत वर्षको स्थानीय निर्वाचनमा भरतपुर महानगरपालिकाको मतपरिणाम अन्त्यतिर आईपुग्ने बेलामा सरकार पक्ष माओवादी केन्द्रकै प्रतिनिधिहरुले मतपत्र धुजाधुजा पारेर च्यातेर अर्को अपराध गरे । उनीहरुले जनताको विश्वास च्यातेका थिए, लोकतन्त्र च्यातेका थिए र आफ्नै साख च्यातेका थिए । आफूले जित्ने अवस्थामा सबै जायज र हार्ने अवस्थामा सबै गलत हो भन्ने प्रवृत्ति लोकतन्त्र हैन, यो झोकतन्त्रमा गए । मतपत्र च्यातिए पछि नेकपा एमालेले चितवन बन्द गरेको थियो । हाम्रो देशमा नीति निमार्ण गर्नेदेखि कार्यान्वयन गर्नेसम्ममा भ्रष्ट आचरण भएकै कारण देश आर्थिक समृद्धिमा जान नसकेको हो । पछिल्लो समयमा आन्तरिक राजस्व विभागका निर्देशक चूडामणी शर्माले गरेको भ्रष्टाचारको पर्दाफासले त राजनीतिज्ञ र निजामति कर्मचारीहरु मिले भने कतिसम्म भ्रष्टाचार गर्न सक्ने रहेछन् भन्ने तितो सत्य उजागर भएको छ । मासिक चालीस पचास हजार तलब खाने कर्मचारीको नीजि सुरक्षागार्ड, बाह्र रोपनी जग्गामा ६ वटो गेटहरु छिचोलेर जानुपर्ने घर, नातागोताहरुका नाममा चल अचल सम्पतिलाई वैध बनाउन किताब बेचेर २३ करोडको आम्दानी देखाउने देशका करोडपति कर्मचारी र राजसी जीवन बाँचेर दाईजोको सुन सम्पत्ति विवरणमा देखाउने राजनैतिक दलका नेताहरुबाट पारदर्शिताको के आश गर्ने ? नेता र कर्मचारीहरु मध्ये धेरै जसो भ्रष्ट नै छन् । अब चुनाव तिरै फर्कौँ, जनताको मतलाई सम्मान नगर्ने तर, जनताको लागि राजनीति गर्छु भन्ने जिम्मेवार दलका कार्यकर्ताहरु नै जनमतलाई कुल्चने चेष्टा गर्छन् भने जनताले यिनीहरुबाट आशा गर्नुपर्ने कुरा केही छैन । भरतपुरको घटनाले माओवादी केन्द्रलाई एउटा अत्यन्त गैरजिम्मेदार दलको रुपमा चित्रण गरेको थियो तत्कालको समयमा । यद्यपि मतपत्र च्यात्ने काम पार्टीको आवरणमा व्यक्तिले गरेको हुनुपर्छ, तर त्यसलाई अनुमोदन गरेर माओवादी केन्द्रले ठूलो भूल गरेकै हो । हामीले देखेकै सुनेकै हो, अठ्ठाईस बर्षसम्म निरन्तर राजनैतिक दलका सत्ता सोपानका अक्षम्य हर्कतहरु सहेर बसेकै हो, राजनीतिलाई गलत प्रयोग गरेर हाम्रै सामु शून्य आर्थिक हैसियत भएकाहरु एकाएक महंगा गाडी, आलिशान महल र अकूत बैंक ब्यालेन्ससहित राजाको जस्तो जीवनशैली त छँदैथ्यो । त्यसमाथि राज्यले दिने मानपदवी समेत आफ्नै आसेपासे र पहुँचवालाहरुलाई बाँडेर थप निर्लज्जताको बलियो उदाहरण प्रस्तुत गरेका छन् । ईमानका सबै व्यवहारहरु बेईमानको भट्टीमा पाकिरहेका छन् । जनताले यति सबै गलत हर्कतहरु देख्दै आएका छन् । राजनैतिक पार्टीको आलोचना चाहिँ गर्ने, तर पटकपटक तिनै आलोचनाका पात्रहरुलाई छानेर पठाउने परम्परा अझै केही समय कायम हुने देखिएको छ । मुहानको उत्पत्ति नै खराब छ भने त्यसबाट सफा पानीको आशा के गर्न सकिन्छ र ? कुशल र सुसंस्कृत राजनीतिको मूल पुराना पार्टीहरुमा छैन र कहिल्यै देखिएन । बन्द, हड्ताल गर्ने, सडक बन्द गर्ने, आगो लगाउने, संसद चल्न नदिने, संसदभित्रै हानाहान गर्ने, सार्वजनिक साधन तोडफोड गर्ने जस्ता काम सबैजसो पुराना शक्तिहरुले गर्दै आएका छन् । न यिनीहरुको आयव्यय नै स्पष्ट छ, न त देशलाई एउटा लक्ष्यमा पुर्याउने स्पष्ट खाका नै छ । कोही बिपी र गणेशमानको नाम बेचेर बाँचेका छन्, कोही पुष्पलाल र मदन भण्डारीलाई भजाएर टिकेका छन् त कोही युरोप, जर्मनी र चीनमा विकास भएका तर त्यहीँ फ्लप भएका ‘वाद’ हरुको रटान गरेर टिकेका छन् त कोही पूर्वराजा र हिन्दु धर्म भजाएर टिकेका छन् भने एक थरीहरु भारतले नचाउने मदारीको भालुजस्तै उसैको ईशारामा अस्तित्व रक्षा गरेका छन् । आज जो जस्ले जे भने पनि आफ्नो हैसियत प्रष्ट भएको छ । पहिलो भएको दल अन्त्यतिर गयो गठबन्धन गरेर पहिलो पाटी त बनेको छ तर त्यो पनि दिगो हुने सम्भाबना कम छ । कोही गफ मात्रै गर्ने र कोही गफकै गफका बारेमा आलोचना गरेर नथाक्ने र केही गर्न खोज्नेलाई पनि जसरी हुन्छ काम गर्न नदिएर त्यसको दोष उसैलाई थोपर्ने गलत संस्कारयुक्त राजनीतिको विकल्प जनताले खोज्ने बेला आएको छ । जे जस्तो भए पनि लोकतन्त्र गणतन्त्र ल्याएर हामीलाई बोल्ने अधिकार ल्याईदिएकोमा यिनीहरुलाई धन्यवाद दिऊँ तर, अबको समय गम्भीर चिन्तनको समय भएकोले देशको लागि केही गर्न नसकेकाहरुको विकल्पमा पद्दति, पारिदर्शिता, ईमानदारी र उत्कृष्टताको सिद्धान्त अँगालेकाहरुलाई काम गर्न दिनेबारे सोचौँ । संस्कार र पद्दति अंगाल्न नसकेका दलहरुले कमसेकम राम्रो कामलाई निरन्तरता र नराम्रो कामलाई त्याग्नु पर्नेमा अलोकप्रिय कामहरु दोर्होयाई रहने हो भने जनता तिनैको पछाडि हिँड्नु हुँदैन । भरपर्दो विकल्प तयार भईसकेको अवस्थामा वैकल्पिक राजनीतिप्रति जनताको सद्भाव जरुरी छ । जसले जुनसुकै कारणले पनि बन्द गर्दैन, जहाँ ईमान भएकाहरु छन्, जो पारदर्शी छन् , जो केही जान्ने क्षमता राख्छन् त्यस्तो लक्ष्य लिएका पार्टीहरुलाई अब जनताले रोज्ने बेला आएको छ । यो देश सतीले सरापेको भन्दै भाषण गर्नेहरुले बुझ्नु पर्छ सतिले सरापेको हैन यो त भ्रष्ट कर्मचारी र भ्रष्ट राजनीतिले उठ्नै नसकिने गरी धुजा धुजा पारेको देश हो । अझै पनि भ्रष्ट राजनीतिलाई आँखा चिम्लेर अरुले जित्दैनन् क्यारे यिनैलाई भोट नदिएर के गर्नु भन्ने हो भने देश कहिल्यै बन्ने छैन । हामीले देश बिग्र्यो भनेर कसैलाई गाली गर्ने नैतिक अधिकार हुने छैन । त्यसैले अब देशमा संच्चा देशभक्तभन्दा पैसावाल, गुण्डा, तस्कर र आपाराधिक कृयाकलापमा संलग्नहरुले जनमत पाएर देश चलाउने मुख्य विन्दुमा आएका छन र आउनेछन् । अब हत्या, अपहरण, गुण्डागर्दी र तस्करीमा सकृय भएका सांसदबाट देशको आर्थिक बृद्धि हुन्छ देशमा आर्थिक समृद्धि भएर जान्छ भनेर आसा गर्नु खरानीको घर बनाउनु सरह हुने छ । जय होस karkirimn@gmail.com

भ्याट छली गर्दै इन्टरनेशनल कन्स्ट्रक्सनद्वारा निमार्ण सामाग्रीको आयात

रोशन कार्की काठमाडौं । सरकारले दिएको सुविधाको गतलरुपमा प्रयोग गर्दै अधिकाशं व्यवसायीहरुले करोडौ रुपैयाँ कर छली गर्दै आएको पछिल्ला घटनाबाट खुलेको छ । देश विकासमा निमार्ण कार्याको प्रमुख स्थान हुनेभन्दै हेभी इकुमेन्टहरुको आयातमा लाग्दै आएको मुल्यअभिबृद्धि कर (भ्याट) लाई शुन्य बनाउदाँ व्यवसायीहरुले गतल तबरबाट प्रयोग गरेको भेटिएको हो । निमार्ण क्षेत्रलाई सरकारले दिएको सुविधाको फाइदा उठाउँदै अवैध सामान नेपाल भित्राउन थालिएसगै सरकारी ढुकुटीमा जानुपर्ने कर व्यक्तिको खातामा जम्मा हुन थालेको समेत भेटिएको छ ।

सरकारले विभिन्न निर्माण सामग्रीमध्ये नेपाल आयात गर्दा डोजर र एक्स्काभेटरमा भ्याट शून्य बनाएपछि सो सामानसँगै लुकाइछिपाइ गरी भ्याट लाग्ने सामान समेत ल्याउने गरेको भेटिएको हो । विगत केही वर्षदेखि इन्टरनेशनल कन्स्ट्रक्सन प्रालि स्वायम्भु काठमाडौंमा रहेको सो कम्पनीले लुकाइछिपाइ गरी ‘ब्रेकर’ आयात गरेको भेटिएको छ । सो कम्पनीले ‘डोसान एक्स्काभेटर’ सँगै दुई हजार किलोभन्दा बढीको ब्रेकर ल्याएको भ्याट छली गरि ल्याएको बारे अहिले राजस्व अनुसन्धान कार्यालय पथलैयाले अनुन्धान सुरु गरेको छ । जो कोही कम्पनीले ब्रेकर आयात गर्दा १३ प्रतिशत भ्याट बुझाउनुपर्छ । तर सो कम्पनीले एसेसिरिजको नाममा दुई हजार किलोको ब्रेकर विना भन्सार ल्याई बिक्रीवितरण गर्दै आएको समेत आरोप लागेको छ । यस सम्बन्धमा पटक–पटक सो कम्पनीका प्रमुख पियुष जाजोदियासँग सम्पर्क गर्दा उनी सम्पर्कमा आएनन्  । राजस्व अनुसन्धान कार्यालय पथलैयाका प्रमुख दिव्या पोखरेलले भने, ‘लुकाइछिपाइ ब्रेकर ल्याएको भेटिएको छ, त्यसबारे हामीले थप छानविन सुरु गरिसकेका छौँ, अहिले के हो भन्नेबारे अनुसन्धान भइरहेको छ, गलत गर्नेलाई कारबाही हुन्छ ।’ विगत ६ वर्षदेखि डोसान ब्रान्डका एक्स्काभेटर र लोडर नेपाल आयात हुनै आएको छ । हाल विशेष गरी कन्स्ट्रन्क्सन क्षेत्रमा डोसान र बुलका हेभी इक्विपमेन्टहरु प्रयोग हुँदै आएको छ । अधिकांश हेभी इक्विपमेन्टहरु भारतमा निर्माण हुने गरेको छ । तर, डोसान एक्स्काभेटर भने कोरियन ब्रान्ड हो । पछिल्ला दिनमा निर्माणकार्यमा भएको वृद्धिसँगै विभिन्न हेभी इक्विपमेन्टहरुको आयातमा समेत वृद्धि भएको छ । हेभी इक्विपमेन्टको माग बढेसँगै सोही क्षेत्रमा प्रयोग हुने ब्रेकरको समेत माग बढी हुनथालेपछि कम्पनीले डोसान एक्स्काभेटरकै बाक्सामा ब्रेकर लुकाएर ल्याउने गरेको उच्च स्रोतको दाबी रहेको छ । नाम नलेख्ने शर्तमा स्रोतले भन्यो, ‘एक्स्काभेटरमा सरकारले भ्याट छुट गरेको छ र अन्य एसेसिरिजको हकमा स–साना पार्टपुर्जा ल्याउन पाइन्छ तर दुई हजार किलोको ब्रेकर एसेसिरिजको नाममा ल्याउन पाइँदैन, ब्रेकरलाई १३ प्रतिशत भ्याट लाग्छ, सोही फाइदा उठाउँदै इन्टरनेशनल कन्स्ट्रक्सनले ब्रेकर ल्याएको हो ।’ इन्टरनेसनल कन्स्ट्रक्सनले नेपालमा बिक्री गर्ने डोसान र बुल ब्रान्डका हेभी इक्विपमेन्टको बिक्रीवितरण गर्दै आएको छ । सो कम्पनीले बुटवल, धनगढी, नेपालगञ्ज, नारायणगढ र इटहरीबाट सो एक्स्काभेटर बिक्री गर्दै आएको छ ।